काठमाडौं । आईपीएलमा रन बनाउने र विकेट लिने विषयको कुरा रोमाञ्चकारी हुने गर्दछ । १३ औँ सीजनको छैटौँ म्याचमा पनि यस्तै दृश्य देखियो ।
एकातिर किंग्स इलेभन पञ्जावका कप्तान लोकेश राहुलले रन बनाउनको लागि लगातार छक्का प्रहार गरिरहे भने अर्कोतिर ब्यांग्लोरका कप्तान विराट कोहोली आईपीएलका सबैभन्दा महंगा खेलाडी (१७ करोड भारतीय रुपैयाँ) ले उनलाई दुई पटक क्यात मिस गर्दै खेल्न मौका दिईरहे ।
राहुलले बिस्फोटक ब्याटिङ गर्दै ७ छक्काको सहयोगमा ६९ बलमै नट आउट १३२ रन बनाए । १७ ओभरको अन्तिम बलमा विराटले बाउन्ट्रीमा राहुलको क्याच छोडेका थिए ।
त्यस्तै अर्को क्याच विराटले नै १८ औँ ओभरको अन्तिम बलमा बाउन्ट्रीमै क्याच मिस गरे । आईपीएलमा राहुलको यो शतक दोश्रो रहेको छ । यो सीजनमा भने शतक प्रहार गर्ने उनी पहिलो खेलाडी बनेका छन् ।
योसँगै ब्यांगलोरलाई ९७ रनको फराकिलो अन्तरले पञ्जावले पराजित गरेको छ । ३ विकेटको क्षतिमा निर्धारित २० ओभरमा पञ्जावले २०६ रन बनाएको थियो ।
जवाफी ब्याटिङमा उत्रिएको ब्यांग्लोरले १७ ओभरमा अलआउट हुँदै मात्र १०९ रन बनाएको थियो । ब्यांग्लोरका कप्तान विराट कोहोली मात्र १ रन बनाएर पेभेलियन फर्किएका थिए ।
यो खबर पढेर तपाईलाई कस्तो महसुस भयो ?
प्रतिक्रिया