२०७४, ९ आश्विन सोमवार १७:०६

दशैंमा एकैपटक पाँच लाख कमाउन खोज्ने असई बालाजुबाट पक्राउ


प्रकाशित मिति : २०७४, ९ आश्विन सोमवार १७:०६

काठमाडौं, ९ असोज— महानगरीय प्रहरी बृत्त बालाजुका असई ५ लाख घुससहित पक्राउ परेका छन् । एक ठगीको केस मिलाइदिने भन्दै ५ लाख घुस लिँदालिँदै सोमबार अख्तियार दुरुपयोग अनुसन्धान आयोगको टोलीले घुमुवा असई चन्द्रसिंह भाटलाई बालाजु क्षेत्रबाट पक्राउ गरेको स्रोतले जनाएको छ ।स्रोतका अनुसार उनले आफ्नो माथिसम्मै पहुँच भएको र ५ लाख पाए सबै मिलाइदिने भन्दै घुस माग गरेका थिए । उनले ५ लाख माग गरेको भन्ने उजुरी परेको आधारमा अख्तियारको टोलीले रंगेहात पक्राउ गरेको बताइएको छ ।यसविषयमा बालाजुका डिएसपी नविन कृष्ण भण्डारीसँग लोकपथले जिज्ञासा राख्दा अनविज्ञता प्रकट गरे । आफूले यस विषयमा बुझ्दै गरेको भन्दै पछि सबै कुरा बताउने भन्दै उनले फोन राखिदिए ।बालाजु आकर्षक कमाइहुने बृत्त मध्ये एक भएको बताइन्छ । सोहि कारण यो बृत्तमा आउन प्रहरीभित्र होडबाजी नै चल्ने गर्छ । दशैंको मुखमा असई एक्लैले केस मिलाइदिने भन्दै घुस मागे कि माथिल्लो तहसम्मै कनेक्सन हो भन्ने चाहिँ रहस्यमै रहेको छ ।पक्राउ परेका भाटलाई अख्तियारको हिरासतमा राखेर अनुन्धान भइरहेको बताइएको छ ।

प्रतिक्रिया दिनुहोस