काठमाडौं । प्रधानमन्त्री केपी शर्मा ओलीले संविधान दिवस तथा राष्ट्रिय दिवस २०७७ का अवसरमा देशवासीका नाममा विशेष सम्बोधन गर्ने भएका छन् ।
प्रधानमन्त्री ओलीले दिवसका अवसरमा आज शनिवार बिहान ९:५० बजे सैनिक मञ्च टुँडिखेलमा हुने कार्यक्रमलाई सम्बोधन गर्ने कार्यक्रम तय भएको उनका प्रेस सल्लाहकार सूर्य थापाले जानकारी दिएका हुन् ।
संविधान दिवस तथा राष्ट्रिय दिवस २०७७ काे विशेष अवसरमा सम्माननीय प्रधानमन्त्री केपी शर्मा ओलीले सैनिकमञ्च, टुँडिखेलबाट अहिले बिहान ९:५० बजे देशबासीका नाममा संबाेधन गर्ने कार्यक्रम रहेकाे सबैमा अनुराेध छ । pic.twitter.com/HUL6CFMcnL
— Surya Thapa (@ThapajiSurya) September 19, 2020
सामाजिक सञ्जाल ट्वीटर मार्फत थापाले यो जानकारी गराएका हुन् । सम्बोधनमार्फत प्रधानमन्त्री ओलीले स्वदेश र विदेशमा रहेका नेपालीलाई शुभकामना दिने भएकाले विगतमा अघिल्लो दिन प्रधानमन्त्रीले लिखित शुभकामना दिने क्रमभन्दा पृथक रहने जनाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया