काठमाडौं । कोरोना भाइरसको महामारी अहिले सारा विश्वमा नै व्याप्त छ ।
कोरोना भाइरसका कारण अहिले हरेक खिन हजारौँ मानिसहरुको मृत्यु भईरहेको छ भने लाखौँ मानिसहरु संक्रमित बनिरहेका छन् ।
गत वर्षको डिसेम्बर अन्तिम साता चीनको वुहान शहरमा देखिएको कोरोना भाइरस अहिलेसम्म विश्वका २१५ वटा देशहरुमा पुगिसकेको छ ।
कोरोनाविरुद्धको भ्याक्सीन बनाउन वैज्ञानिकहरु अहोरात्र खटिए पनि पूर्ण सफलता हात पार्न सकेका छैनन् ।
यसैबीच भारतमा रोकिएको अक्सफोर्डको कोरोनाविरुद्धको भ्याक्सीन फेरि शुरु गर्न अनुमति मिलेको छ ।
भारतीय औषधि महानियन्त्रक (डीसीजीआई) डाक्टर वीजी सोमानीले सीरम इन्स्टीट्यूट अफ इण्डिया (एसआईआई) लाई रोकिएको अक्सफोर्डको कोरोनाविरुद्धको भ्याक्सीनको ट्रायल रफेरि शुरु गर्न अनुमति दिएको हो ।
बेलायतमा एक महिला भ्यालेन्टियर्समा साइड इफेक्ट देखिएपछि परीक्षण रोकिएको थियो ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया