काठमाडौं । कोरोना भाइरसको महामारी अहिले सारा विश्वमा नै व्याप्त छ ।
कोरोना भाइरसका कारण हरेक दिन हजारौँको संख्यामा मानिसहरुको मृत्यु भईरहेको छ भने लाखौँ मानिसहरु यसबाट संक्रमित बनिरहेका छन् ।
गत वर्षको डिसेम्बर अन्तिम साता चीनको वुहान शहरमा पहिलो पटक देखिएको कोरोना भाइरसको संक्रमण अहिलेसम्म विश्वका २१३ वटा देशहरुमा फैलिसकेको छ ।
वैज्ञानिकहरु अहोरात्र यसविरुद्धको भ्याक्सीन बनाउन खटिएका छन् । तर पूर्ण रुपमा सफलता भने हात लाग्न सकेको छैन ।
यसैबीच अहिले सारा विश्व कोरोना भाइरसविरुद्धको भ्याक्सीनको प्रतिक्षामा छन् ।
अक्सफोर्डको भ्याक्सीनमा धेरैलाई आशा रहेपनि तेश्रो चरणको ट्रायल रोकिएको छ ।
ट्रायलमा एक महिला भ्यालेन्टियर्समा यसको असर देखिएपछि ट्रायल तत्कालका लागि रोकिएको हो ।
एस्ट्राजेनेकाका अनुसार ट्रायलमा सहभागी महिलाको हड्डीमा गम्भीर रुपमा समस्या आएको छ । त्यसैले कम्पनीले तत्कालका लागि ट्रायलमा रोक लगाएको हो ।
एस्ट्राजेनेकाका चीफ एग्जीक्युटिभले एक कन्फ्रेन्समा स्वास्थ्यमा सुधार आईरहेको र केहि समयमै डिस्चार्ज हुने बताएका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया