काठमाडौं । कोरोना भाइरसको महामारी अहिले सारा विश्वमा नै व्याप्त छ ।
कोरोना भाइरसका कारण हरेक दिन जसो नै हजारौँ मानिसहरुको मृत्यु भईरहेको छ भने लाखौँ मानिसहरु यसबाट संक्रमित भएका छन् ।
वैज्ञानिकहरु कोरोना विरुद्धको भ्याक्सीन बनाउन अहोरात्र खटिएका छन् । तर पूर्ण रुपमा सफलता भने हात पार्न सकेका छैनन् ।
गत वर्षको अन्तिम साता चीनको वुहान शहरमा पहिलोपटक देखिएको कोरोना भाइरसको संक्रमण अहिलेसम्म विश्वका २१५ वटा देशहरुमा पुगिसकेको छ ।
यसैबीच कोरोना भाइरसका जति केसक आएका छन् त्यसमा बालबालिकाहरुको केस एकदमै कम छ । देखिएका केसहरुमा पनि बच्चाहरुमा कोरोनाका लक्षण देखिएका छैनन् ।
इटाली, अमेरिका र बेलायतमा कहि बच्चाहरुमा सिन्ड्रोम केसहरु देखिएका छन् । यस लक्षणलाई मल्टी सिस्टम इन्फ्लेमेटरी सिन्ड्रोम नाम दिइएको छ ।
अब यो लक्षण भारतसम्म पनि आईपुगेको छ । एक नयाँ स्टडीका अनुसार भारतमा पनि यस्तो नयाँ लक्षण देखापरेको हो ।
यो लक्षण भने शरीरमा दाना जस्तो रातो दाग हुन्छ । बच्चाहरुमा यस्तो प्रकारको लक्षण देखिएपछि वैज्ञानिकहरु चिन्तित बनेका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया