१८ फाल्गुन २०८०, शुक्रवार

नेपाल भित्रियो कालो कोकिन : नेपालमा किन ट्रान्जिट ?

२०७४,आश्विन,९,सोमवार ०३:०२

0
Shares

काठमाडौँ, ९ असोज- सन् १९९८ मा पहिलोपटक दक्षिण अमेरिकी देश कोलम्बियामा पहिलोपटक कालो कोकिन बरामद भएको थियो । त्यसको १९ वर्षपछि नेपालमा समेत कालो कोकिन भेटिएको छ । नेपालमा पनि दक्षिण अमेरिकी देशकै लागुऔषध तस्करहरूले ओसारपसार गरेको कालो कोकिन भेटिएको हो । नेपाललाई ट्रान्जिट बढाएर कोकिनको ओसारपसारमा संलग्न नाइजेरियन समूहले कालो कोकिनको कारोबार गर्न थालेको प्रहरीले जनाएको छ ।शनिबार प्रहरीले कालो रंगको दुई किलो सात सय ग्राम कोकिनसहित बोलिभियन पुरुष र भारतीय महिलालाई पक्राउ गरेको हो । लागुऔषध नियन्त्रण ब्युरो(एनसिबी)ले बोलिभियाका अधेमार एनेज्लोपेज र भारतीय महिला कमार जहानलाई पक्राउ गरेको हो । बोलिभियन कोकिन लिएर बोलिभियाबाट नेपाल आएको र कहार उक्त कोकिन लिन काठमाडौं आएको एनसिबीका प्रमुख डिआइजी ठुले राईले बताए । दुवैजना थोरै पैसा लिएर बहाकको रूपमा काम गर्ने व्यक्तिहरू भएको प्रहरीको प्रारम्भिक अनुसन्धानमा देखिएको छ, नयाँ पत्रिकामा खबर छ ।नेपालमा किन ट्रान्जिट ?कोकिन दक्षिण अमेरिकन देशहरूमा उत्पादन हुन्छ । जसको मुख्य गन्तव्य युरोप हो । नेपालमा कोकिनको खपत हुँदैन । तर, पनि नेपाललाई ट्रान्जिट बनाएर कोकिन ओसारपसार भइरहेको छ । पछिल्लो तीन वर्षयता नेपालमा पटक–पटक कोकिन बरामद हुन थालेको हो । सन् २०१४ मा ५.४९९ ग्राम कोकिन बरामद भएको थियो । २०१५ मा ११ तथा २०१६ मा १६.६ ग्राम कोकिन बरामद भएको लागुऔषध नियन्त्रण ब्युरोको तथ्यांक छ । सन् २०१७ मा भने पहिलोपटक शनिबार बरामद भएको हो । बरामद भएका सबै कोकिन ब्राजिलबाट ल्याइएको थियो ।नेपालको सुरक्षा व्यवस्था खुकुलो भएको आँकलन र पक्राउ परे पनि अन्य देशको तुलनामा थोरै सजाय हुने भएकाले नेपाललाई ट्रान्जिट बनाएको हुन सक्ने प्रहरी अधिकारी बताउँछन् । सडकमार्ग हुँदै भारत छिराउन सजिलो हुने भएकाले पनि नेपाल हुँदै कोकिन कारोबार बढेको हो । कोकिन कारोबारमा हालसम्म नेपालीको संलग्नता भने भेटिएको छैन ।

प्रकाशित मिति: २०७४,आश्विन,९,सोमवार ०३:०२

प्रतिक्रिया दिनुहोस !
सम्बन्धित खबरहरु

नेपाल राष्ट्र बैंकले आजको लागि विदेशी मुद्रा विनिमय दर सार्वजनिक गरेको । जसअनुसार आज अमेरिकी डलर एकको खरिद दर १३२

काठमाडौं । खोटाङको दिक्तेल रुपाकोट मझुवागढी नगरपालिकाले काठमाडौंमा ‘मुन्धुम अन्तर्राष्ट्रिय चित्रकला प्रदर्शनी २०८०’ गर्ने भएको छ । नगरपालिकाले नेपाल कला

काठमाडौं । चिनियाँ परम्परागत नयाँ वर्ष र वसन्त चाड नेपालमा पनि मनाइरहेको छ । गत बुधबार साँझ काठमाडौंको रत्नपार्कमा चिनियाँ

काठमाडौं । राष्ट्रपति रामचन्द्र पौडेल र उपराष्ट्रपति रामसहायप्रसाद यादवले तामाङ समुदायले आज मनाउँदै गरेको सोनाम ल्होसार पर्वका अवसरमा शुभकामना दिएका

ताजा समाचार

प्रिन्स र प्रफुल उपाधिका लागि पुन : भिड्ने
 २०८०,फाल्गुन,१८,शुक्रवार १७:५०
बालिका र सरस्वती महिला क्रिकेटको फाइनलमा
 २०८०,फाल्गुन,१८,शुक्रवार १७:४६
‘दिमागका फोहोर हटाउने साबुन साहित्य हो’
 २०८०,फाल्गुन,१८,शुक्रवार १७:३३
सेन्सर बोर्डप्रति दिपकराज गिरीको कटाक्ष
 २०८०,फाल्गुन,१८,शुक्रवार १६:५१
भरतपुरमा पर्यटन विकासको सम्भावना प्रचुर : ओली
 २०८०,फाल्गुन,१८,शुक्रवार १६:३०