काठमाडौं । विश्व स्वास्थ्य संगठनले खाना वा खानाको प्याकेटबाट कोरोना भाइरस फैलिने खतराको कुनै प्रमाण अहिलेसम्म फेला नपरेको बताएको छ ।
संगठनले अपील गरेको छ कि, मानिसहरु खानाबाट संक्रमित भइन्छ भन्ने डरमा नबसून् ।
विश्व स्वास्थ्य संगठनका इमर्जेन्सी प्रोग्राम प्रमुख माइक रयानले खाना खानेकुराको प्याकेट डेलिभरीबाट त्यति डराउनु पर्ने आवश्यक्ता नरहेको बताएका छन् ।
त्यस्तै डब्ल्यूएचओकी महामारी विशेषज्ञ मारिया भ्यान केरखोभेले चीनले लाखौँ प्याकेटमा गरेको जाँचमा कममा मात्रै कोरोना संक्रमण पोजेटिभ केस देखिएको बताएकी छन् । लाखौँमा १० मा भन्दा पनि कममा कोरोना पोजेटिभ देखिएको हो ।
चीनले ब्राजिलबाट आएको फ्रोजन चिकेनमा कोरोना भाइरसको पुष्टि भएको बताएको थियो । त्यो बाहेक इक्वेडरबाट आएको खानेकुराको सामानमा पनि भाइरस भेटिएको थियो ।
यो भन्दा पहिला सारा विश्वका विशेषज्ञहरुले हावामा पनि यो भाइरस रहिराख्ने बताएका थिए ।
पछि डब्ल्यूएचओले हावाको कणमा पनि कोरोना भाइरस रहने कुरा स्विकारेको थियो ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया