काठमाडौं । कोरोना भाइरसको महामारीसँग अहिले सारा विश्व लडिरहेको छ । यसैबीच रुसले कोरोना भाइरसविरुद्धको विश्वकै पहिलो भ्याक्सीन आफूले बनाएको दाबी गरेको छ ।
रुसी राष्ट्रपति भ्लादिमिर पुटिनले मंगलवार विश्वमै पहिलो कोरोनाविरुद्धको भ्याक्सीन बनाउन आफू सफल भएको बताएका छन् ।
साथै उनले भ्याक्सीनको खोप आफ्नी छोरीले समेत लगाएको बताएका छन् । भ्याक्सीनले काम गरेको भन्दै रुसको स्वास्थ्य मन्त्रालयले प्रयोगका लागि स्विकृति दिएको छ ।
रुसले बनाएको कोरोनाविरुद्धको भ्याक्सीन पुटिनको घोषणासँगै यसको माग बढ्दै गएको छ । अहिलेसम्म २० देशहरुले १ अर्ब डोज माग गरेको बताईएको छ ।
रुसको कोरोना भ्याक्सीन परियोजनाका लागि फण्ड तयार गर्ने संस्था रशियन डाइरेक्टर इन्भेस्मेण्ट फण्डका प्रमुख किरिल दिमित्रिजले २० देशहरुले १ अर्ब डोज बनाउन आग्रह गरेको बताएका छन् ।
सेप्टेम्बरबाट औद्योगिक उत्पादन शुरु गरिने पनि उनले बताएका छन् । तर कुन कुन देशले अर्डर गरेका छन् भन्ने बारेमा भने केहि बताइएको छैन ।
यो भ्याक्सीन अक्टोबरबाट बजारमा उपलब्ध हुने रुसले बताएको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया