नेपालमा कोरोनाको ‘एक्टिभ केस’ कति ? (सूचीसहित)

काठमाडौं । नेपालमा हाल ५ हजार ७ सय ३२ जना कोरोना संक्रमित देशका विभिन्न अस्पतालको आइसोलेसनमा उपचाररत रहेका छन् ।

जसमध्ये सबैभन्दा धेरै प्रदेश नम्बर २ मा २ हजार ३ सय ५७ जना र सबैभन्दा कम गण्डकी प्रदेशमा २ सय ७२ जना रहेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार सोमबार भएका ७ हजार ६ सय ३७ पीसीआर परीक्षणमा ४ सय १८ जनामा कोरोना पोजेटिभ देखिएको हो ।

मन्त्रालयका प्रवक्ता डा. जागेश्वर गौतमका अनुसार योसँगै नेपालमा कोरोना संक्रमितको संख्या २० हजार ७ सय ५० पुगेको छ ।

कुन प्रदेशमा कति छन् आइसोलेसनमा ?

प्रदेश नम्बर १ मा २ सय ९० जना

प्रदेश नम्बर २ मा २ हजार ३ सय ५७ जना

बागमती प्रदेशमा ६ सय ५१ जना

गण्डकी प्रदेशमा २ सय ७२ जना

प्रदेश नम्बर ५ मा ३ सय १५ जना

कर्णाली प्रदेशमा २ सय ९८ जना

सुदूरपश्चिम प्रदेशमा १ हजार ५ सय ४९ जना