काठमाडौं । नेपाली कांग्रेसका सभापति शेरबहादुर देउवाले पार्टीभित्र असन्तुष्टि भएका बेला जेष्ठ राजनीतिज्ञ सभा विस्तार गरेका छन् ।
वरिष्ठ नेता रामचन्द्र पौडेल समूहले समिति तथा विभागहरु विस्तार कार्य रोक्नका लागि आग्रह गरिरहेका बेला देउवाले बुधवार जम्बो सभा गठन गरेका हुन् ।
त्यसो त आज नै वरिष्ठ नेता पौडेल समूहले सभापति देउवालाई विभाग गठन कार्य रोक्न लिखित पत्र बुझाउने तयारी गरेका थिए । पार्टीभित्र छलफल नै नगरी एकलौटी ढंगबाट विभाग गठन गरिएको भन्ने आरोप पौडेल पक्षको रहेको छ ।
पौडेल समूहले पार्टीको आगामी १४ औँ महाधिवेशनको कार्यतालिका समेत सार्वजनिक भइसकेको अवस्थामा निर्वाचन आचारसंहिता विपरित हुने भन्दै असन्तुष्टि जनाउँदै आएको थियो ।
सभापति देउवाले नेपाली कांग्रेसको नियमावली २०७६ को नियम ५० बमोजिमका ४ सय ७९ सदस्यहरुलाई मनोनित गरेका हुन् ।
जसमा तारानाथ रानाभाट(कास्की), दमनाथ ढुंगाना (काठमाडौं) , अबवर बहादुर सिंह( डडेल्धुरा) तथा किशोर नेपाल (बारा) लगायतलाई मनोनित गरेको हो ।
यस्तो छ नामावली
यो खबर पढेर तपाईलाई कस्तो महसुस भयो ?
प्रतिक्रिया