काठमाडौं । नेपाल कम्युनिस्ट पार्टी (नेकपा) का उपाध्यक्ष बामदेव गौतमले पार्टीभित्रको विवाद समाधानको लागि बैचारिक रुपमा सुदृढ हुनुपर्ने पक्षमा रहेको बताएका छन् ।
पार्टीको विवाद समाधानका लागि भन्दै अध्यक्षद्वयलाई ६ बुँदे प्रस्ताव बुझाएका गौतमले पार्टी गम्भीर मोडमा लैजानुमा को दोषी हो ? भन्दै प्रश्न समेत गरेका छन् । “पार्टी गम्भीर मोडमा कसको कारणले गयो यसको दोषी को हो, अध्यक्षद्वयको पदको लडाइमा पर्न चाहन्न तर म पार्टी बैचारिक रुपमा सुदृढ हुनुपर्ने पक्षमा छु ।” गौतमले भने ।
यसअघिको स्थायी कमिटि बैठकमा नेकपाका अध्यक्ष पुष्पकमल दाहाल प्रचण्डले प्रधानमन्त्री र पार्टी अध्यक्षबाट केपी शर्मा ओलीले राजिनामा दिनुपर्छ भन्ने प्रस्तावमा जनाएका गौतमले अहिले पार्टी र प्रधानमन्त्री फरक फरक व्यक्तिले चलाउने भन्ने कुरामा आफू अडिग रहेको समेत स्पष्ट पारेका छन् ।
जारी स्थायी कमिटि बैठकमा गौतमले भने, “पार्टी गम्भीर मोडमा कसको कारणले गयो यसको दोषी को हो, अध्यक्षद्वयको पदको लडाइमा पर्न चाहन्न तर म पार्टी बैचारिक रुपा सुदृढ हुनुपर्ने पक्षमा छु । महाधिवेशन गरेर पार्टीलाई संगठित रुपमा अगाडि बढाउनु म शुरुदेखि नै भन्दै आएको हुँ । पार्टीमा एकजनाले सरकार चलाउने हो र एकजनाले पार्टी चलाउने निर्णय भएको हो । मंसिर ४ भएको निर्णय गराउन मेरो भुमिका महत्वपुर्ण थियो र अहिले पनि त्यसमै अडिग छु । मंसिर ४ गते जे निर्णय भएको छ त्यसलाई कार्यान्वयन गरेर अगाडि बढौ । महाधिवेशनको तयारीमा जुटौ ।”
बालुवाटारमा बसिरहेको बैठकबाट गौतम र स्थायी कमिटी सदस्य भीम रावल बाहिरीएका छन् । आजको लागि तय गरिएको बैठक अन्तिम अवस्थामा प्रधानमन्त्री एवम् नेकपाका अध्यक्ष केपी शर्मा ओली पक्षले छलफलका लागि भन्दै स्थगित गरेका थिए । भने त्यसलगत्तै ओली भेट्न पुगेका अर्का अध्यक्ष पुष्पकमल दाहाल प्रचण्ड फर्किएर बैठक शुरु गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया