काठमाडौं । बलिउड महानायक अमिताभ बच्चन बितेको १२ दिन यता कोरोना संक्रमण भएपछि उपचार गराउन नानावती अस्पतालमा उपचार गराईरहेका छन् ।
उनीसहित उनका छोरा अभिषेक बच्च्न र बुहारी तथा पूर्व विश्व सुन्दरी ऐश्वर्या राय बच्चन र नातिनी आराध्या बच्चनलाई कोरोना संक्रमण भएको छ ।
उनीहरु सबै नानावती अस्पतालमै उपचाररत छन् । अहिले भारतीय सञ्चारमाध्यमा अमिताभको दोश्रो कोरोना रिपोर्ट नेगेटिभ आएको भन्ने खबर व्यापक चर्चा भईरहेको छ ।
साथै भारतीय सञ्चारमाध्यमका अनुसार उनको दोश्रो कोरोना रिपोर्ट नेगेटिभ आएको र उनलाई केहि दिनमै अस्पतालबाट डिस्चार्ज गरिने बताइएको छ । तर महानायक अमिताभले भने यो सबै समाचार गैर जिम्मेवार र झुटो भएको बताएका छन् ।
उनले सामाजिक सञ्जाल ट्वीटरमा एक पोस्ट गर्दै उक्त सबै समाचार झुटो र गैरजिम्मेवार रहेको बताएका हुन् ।
उनी र उनका छोरा अभिषेक गत जुलाई ११ र बुहारी र नातिनीलाई १२ जुलाईमा कोरोना संक्रमण पुष्टि भएको थियो ।
त्यसपछि उनीहरुको सबै परिवार नानावती अस्पतालमा उपचाररत छन् । ऐश्वर्या र आराध्या भने केहि दिन होमआइसोलेसनमा बसेर अस्पताल भर्ना भएक थिए ।
एजेन्सीको सहयोगमा
T 3600 – In these times of trial .. the entire day is filled with your love and care .. and I can only express what best I can from here .. my immense gratitude .. pic.twitter.com/7ZbZauBmQG
— Amitabh Bachchan (@SrBachchan) July 20, 2020
यो खबर पढेर तपाईलाई कस्तो महसुस भयो ?
प्रतिक्रिया