२१ आश्विन २०७९, शुक्रवार

सिद्धार्थ राजमार्ग बिहानैदेखि अवरुद्ध, पहिरोमा ट्रक र कार पुरियो

२०७४,आश्विन,७,शनिवार ०४:४९

0
Shares

पाल्पा, ७ असोज ।तिनाउ गाउँपालिकाको दोभानमा पहिरो खस्दा सिद्धार्थ राजमार्ग आज बिहानैदेखि अवरुद्ध बनेको छ ।सिद्धार्थ राजमार्गको पाल्पा–बुटवल सडकखण्डको दोभानको डेढबक्समा गए राति सडकमाथिबाट ठूलो पहिरो खस्दा यातायात सञ्चालन हुन सकेको छैन । सडक अवरुद्ध बनेपछि पाल्पा, गुल्मी, स्याङ्जा, पोखरा, बागलुङ, पर्वतलगायतका सवारीसाधन बुटवल जान सकेका छैनन् ।पाल्पाको सिद्धबाबा थान नजिकै पहिरो खस्दा एक एक ट्रक र कार पुरिएका छन् । लु १ च ७९९४ नं.को सो कारमा यात्रा गर्ने दुई जना घाइतेलाई बुटवल अञ्चल अस्पतालमा लगिएको छ । अन्य दुई जनाको भने उद्धार भइरहेको छ । ना ३ ख ६१९१को ट्रकबारे भने पूरै खबर प्राप्त भएको छैन ।बुटवलबाट पाल्पातर्फ सवारी चल्न नसक्दा दशैँका यात्रु बाटामा नै अलपत्र परेका छन् । पाल्पाबाट दूध तथा तरकारी बोकेर जाने सवारीसाधन बाटामा रोकिएको स्थानीय बासिन्दा बताउँछन् । दोभान प्रहरी कार्यालयका प्रहरी हवल्दार तारा फौजाले एउटा डोजरले माटो र ढुंगा फालिए पनि पहिरो हटाउन समय लाग्ने बताउनुभयो । माटो र ढुंगासहितको पहिरो यस क्षेत्रमा वर्षेनी खस्दा जोखिम बढेको र मानवीय क्षति रोक्न नसकिएको स्थानीयवासीको गुनासो छ । 

प्रकाशित मिति: २०७४,आश्विन,७,शनिवार ०४:४९

प्रतिक्रिया दिनुहोस !
सम्बन्धित खबरहरु

काठमाडौं । आउँदो मंसिर ४ गते हुने प्रतिनिधि सभा र प्रदेश सभा निर्वाचनका लागि समानुपातिक प्रणालीतर्फको मतपत्र छपाइको काम सकिएको

काठमाडौं । काठमाडौं उपत्यकामा फूलपातीदेखि आज शुक्रवार दिउँसोसम्म विभिन्न घटना/दुर्घटनामा परी सात जनाको ज्यान गएको छ । मृत्यु हुनेमा चार

बैतडी । बैतडीमा आगलागीबाट एक वृद्धा गम्भीर घाइते भएकी छिन् । पुर्चौँडी नगरपालिका–८ डणपूरमा घरमा आगलागी हुँदा ८४ वर्षीया जयमती

काठमाडौं । निर्वाचन आयोगले आगामी मंसिर ४ गते हुने प्रतिनिधिसभा सदस्य र प्रदेशसभा सदस्य निर्वाचनका लागि उम्मेदवारले गर्नुपर्ने स्वःघोषणा सार्वजनिक

ताजा समाचार

गठबन्धन र लोसपाको वार्ता सकारात्मक
 २०७९,आश्विन,२१,शुक्रवार २२:१२
प्रचण्ड गोरखा–२ बाट निर्वाचन लड्ने पक्का
 २०७९,आश्विन,२१,शुक्रवार २१:३५
हेर्नुहोस् आजको टप–१५ समाचार (भिडियोसहित)
 २०७९,आश्विन,२१,शुक्रवार १९:५२