लमजुङमा असिनाले व्यापक क्षति

लमजुङ, १४ फागुन – लमजुङमा असिनाले व्यापक क्षति पुर्‍याएको छ । आईतवार अपराह्न परेको असिनाले मध्यनेपाल नगरपालिकामा अत्यधिक क्षति पुर्‍याएको हो असिनाले तरकारीबाली तथा फलफूलमा व्यापक क्षति पुर्‍याएको स्थानीय खेमराज पौडेलले जानकारी दिए । असिनापानीले किसानको तरकारी बालीसहित फुल्दै गरेको आँप, नासपाती, आल्चालगायत फलफूल सखाप पारेको पौडेलले बताए असिनापानीले व्यापक क्षति बनाएपछि किसान मर्कामा परेको भन्दै मध्यनेपाल नगरपालिका प्रमुख रमेशकुमार पाण्डेले पीडित किसानलाई उचित क्षतिपूर्तिको लागि पहल गर्ने बताए ।