काठमाडौं । सूर्य नेपाल प्रालिले वाग्मती प्रदेश कोभिड-१९ नियन्त्रण तथा उपचार कोषमा एक करोड सहयोग गरेको छ । मुख्यमन्त्री डोरमणि पौडेललाई प्रालिका उपाध्यक्ष रवि केसीले आज उक्त रकमको चेक हस्तान्तरण गरे ।
सो अवसरमा मुख्यमन्त्री पौडेलले सबैको सहयोगमा कोरोनाविरुद्धको अभियान सफल हुन विश्वास व्यक्त गर्दै कोषमा रकम सहयोग गरेकोमा प्रालिलाई धन्यवाद दिए ।
प्रालिका उपाध्यक्ष केसीले कोरोनाविरुद्धको अभियानमा प्रदेश सरकारले देखाएको सक्रियतालाई साथ दिन सो रकम सहयोग गरेको बताए ।
- रासस
यो खबर पढेर तपाईलाई कस्तो महसुस भयो ?
प्रतिक्रिया