काठमाडौं । अमेरिका र चीनको बीच लगातार टकरावको स्थिती सिर्जना भईरहेको छ । दक्षिण चीन सागरको मामिलामा दुबै देशको बीचमा स्थिती गम्भीर बन्दै गएको हो ।
दक्षिण चीन सागरमा चिनियाँ दाबी गैर कानूनी बताउँदै आएको अमेरिकाविरुद्ध चीनले चेतावनी दिएको हो ।
चीनले सिधै अमेरिकालाई चेतावनी दिँदै १ हजार वर्ष पहिला देखिको दक्षिण चीन सागर अमेरिकाले अहिले आएर कब्जा गर्नु मुर्खता हुन सक्ने र अमेरिकाले गम्भीर परिणाम भोग्न तयार रहन चेतावनी दिएको हो ।
चीनले अमेरिकाले दक्षिण चीन सागरको साथै अन्य एशियाली देशहरुमा आफ्नो कब्जा गर्न खोजेको चीनको आरोप छ ।
मंगलवार मात्र अमेकिरी विदेश मन्त्री माइक पोम्पेओले संसारको रणनीीतक रुपमा अहं रहेको दक्षिण चीन सागरमा चीनलाई समुन्द्री साम्राज्यको रुपमा प्रयोग गर्न नदिने बताएका थिए ।
चीनका विदेश मन्त्रालयका प्रवक्ता झाओ लिजियानले बेइजिंगमा सञ्चारमाध्यमसँग कुराकानी गर्दै अमेरिकी विदेश मन्त्रीको भनाई लज्जास्पद र तथ्यहीन रहेको बताएका छन् ।
"The #US frequently dispatches large-scale advanced warships and military aircraft to the #SouthChinaSea; it is the real troublemaker and destroyer of regional peace and stability," said Chinese FM spokesperson Zhao Lijian in response to the US' statement on the #SouthChinaSea. pic.twitter.com/Qx1bohJddv
— Global Times (@globaltimesnews) July 14, 2020
झाओले इतिहासका अनुसार दक्षिण चीन सागर चीनको रहेको बताएका छन् । उनले दक्षिण चीन सागर चीनको ऐतिहासिक अधिकार भएको पनि बताएका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया