२०७७, ३१ असार बुधबार १६:४५

५०० भन्दा बढी कोरोना संक्रमित भएका यी ५ जिल्ला


प्रकाशित मिति : २०७७, ३१ असार बुधबार १६:४५

काठमाडौं । नेपालमा कोरोना संक्रमितको कुल संख्या १७ हजार १७७ पुगेको छ । नेपालमा आज थप ११६ जनामा कोरोना भाईरस (कोभिड-१९) संक्रमण पुष्टि भएको छ ।

स्वास्थ्य मन्त्रालयका प्रवक्ता गौतमका अनुसार नेपालका यी ५ जिल्लामा ५०० भन्दा बढी कोरोना संक्रमित रहेका छन् ।

यी हुन् ५०० भन्दा बढी संक्रमित भएका ५ जिल्ला

  • महोत्तरी
  • रौतहट
  • बाजुरा
  • कैलाली
  • पाल्पा

 

त्यस्तै, नेपालमा आज (बुधवार) थप ११६ जनामा कोरोना भाईरस (कोभिड-१९) संक्रमण पुष्टि भएको छ । योसँगै नेपालमा कोरोना संक्रमितको कुल संख्या १७ हजार १७७ पुगेको छ ।

स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा बितेको २४ घण्टामा ११६ जनामा कोरोना भाइरसको संक्रमण पुष्टि भएको जानकारी दिए ।

उनका अनुसार (कोभिड-१९) संक्रमण पुष्टि भएका संक्रमितहरु सबैको स्वास्थ्य अवस्था सामान्य रहेको छ भने उनीहरु चिकित्सकको निगरानीमा रहेका छन् । संक्रमण पुष्टि भएकाहरुको सम्पर्कमा रहेकाहरुको कन्ट्याक ट्रेसिङ गर्ने कार्य भईरहेको मन्त्रालयले जनाएको छ ।

नेपालमा अहिलेसम्म कोरोना भाइरस संक्रमणका कारण ३९ जनाको मृत्यु भएको छ ।

पछिल्लो २४ घण्टामा थप ६९७ जना कोरोना संक्रमणमुक्त भएसँगै कोरोना संक्रमणमुक्त भई अस्पतालबाट डिस्चार्ज हुनेको संख्या ११ हजार २५ पुगेको छ ।

नेपालमा हिजो (मंगलवार) ११६ जनामा कोरोना संक्रमण पुष्टि भएको थियो ।

 

प्रतिक्रिया दिनुहोस