२०७७, २८ असार आईतवार २०:२९

नेपालविरुद्ध अफवाह फैलाउने ४ भारतीय च्यानल बन्द


प्रकाशित मिति : २०७७, २८ असार आईतवार २०:२९

काठमाडौं । नेपालका विरुद्ध अफवाह फैलाउने ४ वटा भारतीय च्यानल नखुल्ने भएका छन् ।

भारतीय न्यूज च्यानलहरु जी–न्यूज, आजतक, इन्डिया टिभि र एबीपी न्यूजमाथिको प्रतिबन्धलाई कायमै रहने भएको हो ।

मल्टि सिस्टम अपरेटरहरुको आइतबार बसेको बैठकले यी ४ न्यूज च्यानलबाहेक अरुलाई भने आजदेखि खुला गर्ने निर्णय भएको मेगा म्यास टेलिभिजनका अध्यक्ष दिनेश सुवेदीले लोकपथलाई जानकारी दिए ।

पछिल्लो समय भारतीय मिडियाहरुले प्रधानमन्त्री केपी शर्मा ओली र नेपालका लागि चिनियाँ राजदूत होउ यान्छीबीचको भेटघाटलाई अतिरञ्जित बनाइ सामाग्रीहरु प्रशारण गरिरहेका छन् ।

नेपालले अतिक्रमित भूमीसहितको नक्सा जारी गरेसँगै भारतीय मिडियाहरुले नेपालले चीनको इशारामा भारतविरुद्ध कदम उठाएको लगाएत आरोप लगाइरहेको छ ।

प्रतिक्रिया दिनुहोस