अमिताभको छोरा अभिषेकमा पनि देखियो कोरोना संक्रमण

काठमाडौं । बलिउड महानायक अमिताभ बच्चनका छोरा अभिनेता अभिषेक बच्चनलाई पनि कोरोना संक्रमण देखिएको छ ।

शनिवार अमिताभलाई कोरोना पोजिटिभ देखिएसँगै उनका परिवारको समेत कोरोना परीक्षण गरिएको थियो ।

अमिताभले आफूलाई कोरोना पोजेटिभ देखिएको ट्वीट मार्फत जानकारी दिएका थिए । अमिताभलाई भारतको नानावती अस्पतालमा राखिएको छ ।

त्यस्तै अभिषेकले आफ्नो आधिकारिक ट्विटरमार्फत् आफू र बुवा अमिताभलाई कोरोना संक्रमण भएको जानकारी दिएका हुन्।

हिन्दुस्तान टाइम्सका अनुसार उनले आफूहरू दुवै जना अस्पताल भर्ना भएको पनि बताएका छन्।

एजेन्सीको सहयोगमा

यो पनि

अमिताभ बच्चनलाई कोरोना संक्रमण पुष्टि