गुगल र फेसबुकका लागि नेपालीले सबैभन्दा धेरै इन्टरनेट ब्यान्डविथ खपत गर्ने पाइएको छ ।
नेपाल नेटवर्क सेवा प्रदायक समूहको तथ्याङ्कअनुसार नेपालभित्र खपत हुने कुल इन्टरनेटमध्ये ८२ प्रतिशत ब्यान्डविथ गुगल र फेसबुक चलाउनमै खर्च हुने देखिएको हो । तथ्याङ्कअनुसार गुगल प्रयोगमा ५१ प्रतिशत र फेसबुकमा ३१ प्रतिशत ब्यान्डविथ खपत भइरहेको छ ।
यसबाहेक समाचारजन्य अनलाइन सामग्रीमा आठ प्रतिशत, टिकटक, अकामाई र इन्टरनेट सेवा प्रदायकको कन्टेन्टमा दुई दुई प्रतिशत ब्यान्डविथ खपत हुने पाइएको छ ।
अनलाइन चलचित्र हेर्ने सुविधा उपलब्ध गराइरहेको नेटफ्लिक्सका लागि नेपालीले एक प्रतिशत इन्टरनेट खपत गरिरहेको पनि तथ्याङ्कले देखाएको छ ।
आन्तरिक खपतका यी कन्टेन्टमा प्रतिसेकेन्ड १.६ टेराबाइट इन्टरनेट प्रयोग भएको समूहका अध्यक्ष समितजन थिङले जानकारी दिए । गोरखापत्रमा खबर छ ।
यो खबर पढेर तपाईलाई कस्तो महसुस भयो ?
प्रतिक्रिया