२०७४, ६ आश्विन शुक्रवार १२:१८

६३ स्थानीय तहको मत परिणाम सार्वजनिक, एमाले पाँचौ स्थानमा


प्रकाशित मिति : २०७४, ६ आश्विन शुक्रवार १२:१८

काठमाडौँ, ६ असोज ।यह िअसोज २ गते निर्वाचन सम्पन्न भएका प्रदेश नं २ का आठ जिल्लाका १३६ स्थानीय तहमध्ये अहिलेसम्म ६३ स्थानीय तहको मतगणना सम्पन्न भएको छ ।निर्वाचन आयोग, संयुक्त निर्वाचन सञ्चालन केन्द्रबाट आज अपराह्न ४ः०० बजे प्राप्त विवरणअनुसार प्रमुख एवं अध्यक्षमा नेपाली काँग्रेसका २१, नेकपा (माओवादी केन्द्र) र संघीय समाजवादी फोरम नेपालका १२– १२, राष्ट्रिय जनता पार्टी नेपालका आठ, नेकपा (एमाले)का सात, नेपाल लोकतान्त्रिक फोरमका दुई र नेपाली जनता दलका उम्मेदवार एक स्थानीय तहमा विजयी भएका छन ।यसैगरी अहिलेसम्म ८९० वडाको अन्तिम मत परिणाम प्राप्त भइसकेको आयोगका प्रवक्ता नवराज ढकालले जानकारी दिए । मतगणना बाँकी रहेका ७३ स्थानीय तहमध्ये एकाध स्थानमा मतगणनामा गतिरोध उत्पन्न भएका कारण सर्वदलीय सहमति गरी मतगणना सञ्चालन गर्ने प्रयास भइरहेको र अन्य सबै स्थानमा मतगणना शान्तिपूर्ण रूपमा जारी छ । 

प्रतिक्रिया दिनुहोस