अवैध हुण्डी कारोबारी समातिए, ६५ लाख बरामद

काठमाडौं । राजधानीको कुलेश्वरबाट स्रोत नखुलेको ६५ लाख ८ हजार सहित २ जनालाई प्रहरीले नियन्त्रणमा लिएको छ । उनीहरु अवैध हुण्डी कारोबारी रहेको प्रहरीले जनाएको छ ।

महानगरीय प्रहरी वृत्त कालिमाटीले स्रोत नखुलेको सो नगदसहित भारतीय नागरीक शंकर सिंह र बारा जितपुरका रमेश सिंहलाई नियन्त्रणमा लिएको हो ।

सोमबार दिउँसो ३ बजेतिर उनीहरुले अवैध नगद कारोवार गर्ने गरेको सूचनाको आधारमा खटिएको प्रहरी टोलीले प्रकाउ गरेको हो ।