भारत र चीनको सैनिक सहचारीमा महासेनानी

काठमाडौं । सैनिक मुख्यालयले भारत र चीनस्थित नेपाली दूतावासमा सहायक रथीको स्थानमा एक तह घटुवा गर्दै महासेनानीलाई सैनिक सहचारी पठाउने निर्णय गरेको छ ।

सैनिक सचिव विभागले जेठ २९ गते जारी गरेको सैनिक सहचारीको अन्तिम नामावलीअनुसार चीनमा महासेनानी मोहन क्षत्री, भारतमा महासेनानी रामचन्द्र खत्रीलाई चयन गरिएको छ ।

यसैगरी अमेरिकामा भूवनपूर्ण सत्याल, बंगलादेशमा रोशन जबरा, बेलायतमा रत्नबहादुर गोदार, पाकिस्तानमा अमृतकाजी गुरुङ, न्यूयोर्कमा जगदीश खड्कालाई सैनिक सल्लाहकार चयन गरिएको छ ।

भारत र चीनबाहेक अन्य दूतावासमा महासेनानी नै सैनिक सहचारी रहँदै आएका थिए । कान्तिपुर दैनिकमा खबर छ ।