काठमाडौं । अमेरिकी राष्ट्रपति डोनल्ड ट्रम्पले भारत र चीनबीचमा रहेको तनावलाई समाधानको लागि सहयोग गर्न आफू तयार रहेको बताएका छन् ।
उनले दुबै देशसँग अमेरिकाले उक्त विषयमा कुराकानी गरिरहेको जानकारी दिए।
राष्ट्रपति ट्रम्पले ह्वाइट हाउसबाहिर पत्रकारसँग कुरा गर्दै यो एकदमै कठिन परिस्थित रहेको र अमेरिका भारत र चीनसँगको विवादको विषयमा मध्यस्थ्ता गर्न तयार रहेको बताएका हुन् ।
उनले भने, लद्दाखमा दुई देशबीच ठूलो समस्या छ, दुबै आम्नेसाम्ने भएका छन् र हामी अब के हुन्छ हेरिरहेका छौँ। हामी उनीहरूलाई सहयोग गर्न प्रयास गर्दैछौँ ।
गत साता सोमवार मंगलवार गलवान उपत्यकामा भारत र चीनबीच भएको हिंस्रक झडपमा भारतका वरिष्ठ सैन्य अधिकारीसहित २० सैनिकको मृत्यु भएको थियो भने चीनका पनि ४३ जना सैनिकको मृत्यु भएको बताइएको छ ।
तर यो पुष्टि केहि अन्तर्राष्ट्रिय सञ्चारमाध्यम र भारतले मात्र दाबी गरेको छ। तर चीनले त्यसबारे आधिकारिक रूपमा कुनै अभिव्इक्ति दिएको छैन ।
भारत र चीनबीच विद्यमान तनावबारे अमेरिकी राष्ट्रपतिले गत महिना सामाजिक सञ्जालमा टिप्पणी गर्दै आफू मध्यस्थता गर्न तत्पर भएको बताएका थिए।
एक ट्वीट गर्दै ट्रम्पले भनेका थिए, ‘हामीले भारत र चीन दुबै देशलाई जारी सीमा विवादबारे मध्यस्थता गरिदिन अमेरिका तयार छ, इच्छुक र सक्षम भएको जानकारी दिएका छौँ। धन्यवाद।’
We have informed both India and China that the United States is ready, willing and able to mediate or arbitrate their now raging border dispute. Thank you!
— Donald J. Trump (@realDonaldTrump) May 27, 2020
राष्ट्रपति ट्रम्पले चीनसँगको तनावका कारण भारतीय प्रधानमन्त्री नरेन्द्र मोदीको मनोदशा नराम्रो भएको टिप्पणी गरेका थिए।
तर ट्रम्पले मध्यस्थताका लागि गरेको प्रस्तावलाई भारत र चीन दुबैले अस्वीकार गरिदिएका थिए।
अमेरिकी विदेशमन्त्री माइक पोम्पेओले गलवानमा भारतीय सैनिकको मृत्यु भएकोमा समवेदना प्रकट गरेका थिए।
We extend our deepest condolences to the people of India for the lives lost as a result of the recent confrontation with China. We will remember the soldiers' families, loved ones, and communities as they grieve.
— Secretary Pompeo (@SecPompeo) June 19, 2020
श्रोत बीबीसी
यो खबर पढेर तपाईलाई कस्तो महसुस भयो ?
प्रतिक्रिया