काठमाडौ, ५ असोज ।सुर्खेतको सामान्य किसान परीवारमा जन्मेका प्रेम आचार्यलाई सरकारले नेपाल आयल निगमको कार्यकारी निर्देशक बनाएको छ । गोपाल बहादुर खड्कालाई बर्खास्त गरेपछि आपूर्ति मन्त्री शिवकुमार मण्डलले आचार्यलाई अर्को व्यवस्था नभएसम्म निगमको कार्यकारीका रुपमा काम गराउने निर्णय गरेका हुन ।२०३७ सालमा सुर्खेतको चौकुने गाउँपालिका (साविकको गुटु गाविस–४) मा जन्मेका आचार्य २० वर्षको उमेरमा निजामति सेवा प्रवेश गरेका हुन । २०३७ आस्विन ३ गते खरीदारबाट निजामति सेवा प्रवेश गरेका उनी जिल्ल सहकारी कार्यालय सुर्खेतमा कार्यरत थिए । २ वर्षपछि २०५९ सालमा नायव सुब्बामा नाम निकालेपछि उनी लोकसेवा आयोग अन्तर्गतका विभीन्न कार्यालय बसे । शुरुमा लोकसेवाको जुम्ला कार्यालय, त्यसपछि दाङ्ग र केन्द्रिय कार्यालय अनामनगर बसेका उनी ७ वर्षपछि अधिकृतमा नाम निकालेर अर्थ मन्त्रालय अन्तगर्ततको आन्तरीक राजस्व विभागमा काम गरे ।७ वर्ष राजस्वमा काम गरेर उनले गतवर्ष २०७३ जेठ १८ मा उपसविचमा नाम निकालेका थिए । उपसविच भएपछि आपूर्ति मन्त्रालयको प्रशासन प्रमुख रहेर काम गरे । जनप्रशासन र ग्रामिण विकासमा स्नातकोत्तर आचार्य आपूर्ति मन्त्रालयको बुधबारको निर्णय अनुसार आयल निगमको कार्यकारी निर्देश बनेका छन ।बुबाआमा कृषि पेशामा संलग्न रहेका आचार्यका २ जना भाईहरु पनि निजामति सेवामै छन । आचार्यले शुक्रबारदेखि कार्यकारी निर्देशकको रुपमा पदभार ग्रहण गर्दैछन ।
