२०७७, १९ जेष्ठ सोमबार २३:२५

अमेरिकामा कोरोना महामारी उस्तै, १७ हजार बढीको अवस्था गम्भीर


प्रकाशित मिति : २०७७, १९ जेष्ठ सोमबार २३:२५

काठमाडौं । संयुक्त राज्य अमेरिकामा हालसम्म सबैभन्दा बढी कोरोना संक्रमणको असर देखिएको छ । हालसम्म अमेरिकामा कोरोनाको कारण ज्यान गुमाउनेको संख्या १ लाख ६ हजार ३ सय ३५ पुगेको छ ।

बितेको २४ घण्टामा ६ हजार बढीमा संक्रमण देखिएसँगै कुल संक्रमितको संख्या १८ लाख ४३ हजार ४ सय ४१ पुगेको छ । त्यस्तै हालसम्म ६ लाख १ हजार १ सय ३६ जना कोरोना उपचारपछि निको भएर घर फर्किएको अवस्थामा रहेको छ । भने संक्रमितमध्ये १७ हजार ७५ जनाको अवस्था गम्भीर रहेको वल्डोमिटरको तथ्यांकले देखाएको छ । साथै बितेको २४ घण्टामा कोरोनाको कारण १ सय ४० जनाले ज्यान गुमाएका छन् ।

त्यस्तै, यो समाचार तयार पार्दासम्म कोरोनाको कारण विश्वभर ३ लाख ७४ हजार ९ सय ९२ जना मानिसको मृत्यु भइसकेको छ । भने ६३ लाख १७ हजार ४ सय १२ जना मानिसमा कोरोना संक्रमण देखिएको छ । त्यस्तै विश्वभर स्वास्थ्य लाभ गरी घर फर्कनेको संख्या २८ लाख ७६ हजार ६ सय ९७ जना रहेका छन् ।

प्रतिक्रिया दिनुहोस