काठमाडौं – गत हप्ता विमानस्थलमा ल्याण्ड हुनुभन्दा केही सेकेण्ड पहिले कराँची एअरपोर्टस्थित बस्तीमा दुर्घटनाग्रस्त भएको विमानको अवशेषभित्र दुईवटा झोलाहरु फेला परेका छन् ।
दुर्घटनाग्रस्त पाकिस्तान इन्टरनेशनल एयरलाइन्स पीआईएबाट विभिन्न देशको करिब ३० करोड पाकिस्तानी रकम बराबरको रकम बरामद भएको अन्तर्राष्ट्रिय सञ्चारमाध्यमले जनाएका छन् ।
विमानमा सवाई दुईबाहेक सबैको ज्यान जानेगरी भएको उक्त दुर्घटनामा अनुसन्धानकर्ता र उद्धारकर्मीहरूले विमानको भग्नावशेषबाट पैसाले भरीएका दुई थैली बरामद गरेका थिए ।
अन्तर्राष्ट्रिय सञ्चारमाध्यमका अनुसार यी दुई झोलाहरूमा पाकिस्तानसहितको विदेशी मुद्रा बरामद गरिएको थियो । पाकिस्तानी सञ्चारमाध्यमलाई त्यहाँका अधिकारीले बताएअनुसार लाहोरबाट कराँची जाँदै गरेको दुर्घटनाग्रस्त उक्त विमानमा तस्करी भइरहेको समेत बताएका छन् । यद्यपी यसबारे अनुसन्धान भइरहेको छ ।
पिआईएका अधिकारीका अनुसार एअरलाईन्सलाई जानकारी नै नदिई त्यस्तो रकम ढुवानी गर्न सकिँदैन र यस्तै ठूलो रकम नगद ढुवानी गर्न थप सिट टिकट किन्नु पर्छ। एक यात्रीले यसलाई तिनीहरूको सामान वा केबिन ब्यागमा राख्न सक्दैनन्। त्यसैेले यो तस्करी गरिँदै थियो भन्ने हाम्रो अनुमान छ । उनले प्रतिक्रिया दिँदै थपेका छन् यति ठूलो रकमका लागि यात्रु नगदको छेउमा बस्नु पर्छ। कुनै पनि यात्रीले अतिरिक्त सिट लिएका थिएनन् ।
अनुसन्धान अधिकारीले यति ठूलो रकम एयरपोर्ट सुरक्षा र ब्यागेज स्क्यानरहरू मार्फत कसरी प्राप्त भयो भन्ने तथ्यहरू पत्ता लगाउन आदेश प्राप्त भएको छ । घटनास्थलबाट शवहरु र तिनीहरुका सामानहरु चिन्ने प्रक्रिया जारी छ, जुन उनीहरुको परिवार र आफन्तहरुलाई हस्तान्तरण गरिनेछ।
अनुसन्धानमा खटिएका अधिकारीलाई उदृद गर्दै पाकिस्तानी सञ्चारमाध्यमले जनाएका छन् ।
उद्धारकर्ता र खोजीकार्य गरीरहेकाहरुले बुधबार विमानको ककपिट भ्वाइस रेकर्डरको खोजी अझै जारी रहेको प्रतिक्रिया दिएका छन् । विमान दुर्घटना अनुसन्धान बोर्डले दुर्घटनाग्रस्त ठाउँ र अनुसन्धानलाई आफ्नो कब्जामा लिएर अनुसन्धान थालेको छ ।
उनीहरुले दुर्घटनाका नक्सा स्केच, प्रमाण संकलन, भेटिएका र नजलेका सामान कागजात तथा प्रमाणहरु जुटाईरहेको पिआईएका प्रवक्ताले बताएका छन् ।
एअरबस विज्ञहरुले पनि दुर्घटनाग्रस्त क्षेत्र अवलोकन गरेका थिए ।
दुर्घटनामा ज्यान बचेका उपचाररत यात्रु
विमान दुर्घटनास्थलमा अहिले पनि घरहरु भत्केको दृश्य देख्न सकिन्छ ।
विमान दुर्घटना भएपछि पार्किङ गरीएका सवारीमा समेत क्षति पुगेको थियो ।
यो खबर पढेर तपाईलाई कस्तो महसुस भयो ?
प्रतिक्रिया