जनकपुर अस्पतालबाट भागेका कोरोना संक्रमित फेला

काठमाडौं । अस्पतालबाट भागेका कोरोना संक्रमित फेला परेका छन् ।

जनकपुरमा रहेको कोरोना विशेष अस्पतालबाट आइतवार सर्लाहीको हरिपूर्वा नगरपालिका– ३ धनकौलका ४५ बर्षीय पुरुष भागेका थिए ।

जनकपुरको आइसोलेसनबाट फरार भएका उनी सोमवार घर नजिकै भेटिएको प्रहरीले जनाएको छ ।

प्रहरीका अनुसार उनी भेटिए पनि कता राख्ने भन्ने अन्योलता छाएको छ ।

संक्रमितको मानसिक अवस्था ठिक नभएको बुझिएको छ । प्रहरीका अनुसार उनी पटक पटक भाग्ने प्रयास गरेको र आइतवार बिहान अस्पतालको झ्याल फोरेर भागेका थिए ।

यो समाचार पढ्नुभएको थियो ?

अस्पतालको झ्याल फोरेर भागे जनकपुरका कोरोना संक्रमित