भारतमा एकैदिन थपिए ४ हजार बढी कोरोना संक्रमित, महामारीको प्रकोप बढ्दो

काठमाडौं । कोरोना भाइरसको महामारीबाट यति बेला सारा विश्व ग्रस्त छ ।

अहिलेसम्म महामारीका कारण विश्वमा ३ लाख १३ हजार २६३ जनाको मृत्यु भईसकेको छ भने ४७ लाख २२ हजार १९७ जनालाई संक्रमण भएको छ ।

त्यस्तै १८ लाख १२ हजार १८९ जना स्वास्थ्योपचार पछि निको भएका छन् भने विश्वमा ४४ हजार ८२९ जनाको स्वास्थ्य अवस्था गम्भीर रहेको छ ।

यसैबीच छिमेकी देश भारतमा कोरोना भाइरसको महामारीका कारण अहिलेसम्म २ हजार ८२७ जनाको मृत्यु भएको छ भने ९० हजार ९२७ जनालाई संक्रमण भएको छ ।

त्यहाँ आज मात्रै २७९ जना नयाँ संक्रमित थपिएका छन् भने आज १ जनाको मृत्यु भईसकेको छ । त्यहाँ ३४ हजार २२४ जना स्वास्थ्योपचार पछि निको भएका छन् ।

त्यस्तै भारतमा शनिवार मात्रै ४ हजार ८६४ जना नयाँ संक्रमित थपिएका छन् भने शनिवार नै ११८ जनाको मृत्यु भएको छ ।