नेपालमा एकैदिन १८ जनामा कोरोना पुष्टि, कुन जिल्लामा कति पुगे संक्रमित ?

लोकपथ संवाददाता

२०७७,जेष्ठ,२,शुक्रवार २१:४९

काठमाडौं- नेपालमा आज (शुक्रबार) मात्रै बिहान ९ र साँझ ९ जना गरी एकैदिन १८ जना संक्रमित थपिएका छन् । विदेशबाट स्वास्थ्य सामाग्री ल्याई परीक्षणको दायरा बढाउन थालेपछि धमाधम संक्रमित बढीरहेका छन् । यो सँगै कुल संक्रमितको संख्या २ सय ६७ पुगेको छ ।

केहिबेरअघि मन्त्रालयले दिएको जानकारी अनुसार साँझ कोरोना संक्रमित हुनेमा पर्सा वीरगञ्ज निवासी ९ र १० वर्षीय बालक तथा २३ र ४७ वर्षीया महिला, उदयपुर त्रियुगा नगरपालिका निवासी २५ वर्षीय पुरुष, दाङ गडवाका २३, ३६ र ३४ वर्षीय पुरुषहरु, काठमाडौं सतुङ्गल निवासी ७ वर्षीय बालक रहेका छन् ।

साथै उनीहरुको अवस्था सामान्य रहेको र चिकित्सकहरुको निगरानीमा रहेको पनि मन्त्रालयले जनाएको छ ।

यसअघि आज शुक्रबार बिहान नेपालमा ९ जनामा कोरोना संक्रमण पुष्टि भएका थिए । बिहान थपिएका संक्रमित राष्ट्रीय जनस्वास्थ्य प्रयोगशाला काठमाडौं र भेरी अस्पताल, नेपालगञ्जमा गरिएको परिक्षणका क्रममा पुष्टि भएका थिए । बिहान थपिएका संक्रमितहरु मकवानपुर निवासी ३७ वर्षीय पुरुष, बाँके नैनापुर, १, ३ र ५ निवासी १८, २०, २२, २५, २५, २७, ३२ र ३६ वर्षीय पुरुषहरु रहेका छन् । यस्तै अहिले थपिएका कोरोना संक्रमित पर्सा वीरगञ्ज निवासी ९ र १० वर्षीय बालक तथा २३ र ४७ वर्षीया महिला, उदयपुर त्रियुगा नगरपालिका निवासी २५ वर्षीय पुरुष, दाङ गडवाका २३, ३६ र ३४ वर्षीय पुरुषहरु, काठमाडौं सतुङ्गल निवासी ७ वर्षीय बालक हुन् ।

राष्ट्रिय जनस्वास्थ्य प्रयोगशाला काठमाडौं, विपी कोइराला स्वास्थ्य विज्ञान प्रतिष्ठान धरान र भेरी अस्पताल नेपालगञ्जमा गरिएको परीक्षणका क्रममा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ । साथै उनीहरुको अवस्था सामान्य रहेको र चिकित्सकहरुको निगरानीमा रहेको पनि मन्त्रालयले जनाएको छ ।

यसअघि बिहान मकवानपुरमा पहिलो संक्रमित भेटिएसँगै नेपालमा २५ जिल्लामा कोरोना फैलिएको छ भने कर्णालीबाहेक सबै प्रदेशमा यो संक्रमण फैलिएको छ ।

पर्सा ८९
रुपन्देही २८
उदयपुर ३३
कपिलवस्तु ३९
बाँके ३३
काठमाडौं ९
धादिङ १
कैलाली ४
बारा ३
धनुषा ४
रौतहट ३
बाग्लुङ २
चितवन २
झापा २
महोत्तरी २
भक्तपुर २
बर्दिया १
भोजपुर १
कञ्चनपुर १
नवलपरासी (पश्चिम) १
सप्तरी १
सर्लाही १
पूर्वी नवलपरासी १
मकवानपुर १
दाङ ३