३ आश्विन २०७८, आईतवार

टेलिकमको ‘वाउटाइम’, १३० च्यानल सहितको टिभी मोबाईलमै हेर्न सकिने

२०७४,आश्विन,३,मंगलवार १३:०३


काठमाडौँ, ३ असोज ।नेपाल टेलिकमका मोबाइल फोन प्रयोगकर्ताले अब एप्समार्फत लाइभ टिभी, मुभी र विभिन्न विधाका भिडियो तथा एफएम हेर्न तथा सुन्न सक्ने भएका छन् ।यस प्रकारको सेवा उपलब्ध गराउने एप्स वाउटाइम मोबाइल एप्स मंगलबारदेखि सञ्चालनमा आएको छ । नेपाल टेलिकम र विन नेपालको सहकार्यमा सो एप्स सञ्चालनमा आएको हो ।सो एप्समार्फत लाइभ टिभी, मुभी तथा भिडियो हेर्न र एफएम सुन्न सकिन्छ । लाइभ टिभीमा नेपाली, हिन्दी तथा विदेशी भाषाका विभिन्न विधाका १३० च्यानल हेर्न सकिन्छ । भविष्यमा च्यानलको संख्या आवश्यकता अनुसार थप्दै जाने योजना छ । त्यसैगरी विभिन्न विधाका मुभी, म्युजिक भिडियो तथा टिभी शोहरु पनि हेर्न सकिन्छ । नेपालमा उपलब्ध एफएम रेडियो समेत यही एप्समार्फत सुन्न सकिन्छ ।यो सेवा नेपाल टेलिकमका जीएसएम तथा सीडीएमएका प्रिपेड÷पोष्टपेड ग्राहकलाई मात्र उपलब्ध हुनेछ । हाललाई दशै तिहारको अवसरमा पहिलो एक महिनाको लागि एप्स सब्स्क्रिप्सन गर्दा लाग्ने उपभोक्ता शुल्क नलिई यो सेवा उपलब्ध गराइएको छ ।एक महिना पछि भने ग्राहकले शुल्क तिरेर दैनिक, साप्ताहिक वा मासिक रुपमा सेवा प्राप्त गर्न सक्नेछन् । यो मोबाइल एप्समार्फत उपलब्ध हुने सेवा वाइफाई प्रयोग गरेर तथा मोबाइल डाटा प्रयोग गरेर पनि उपयोग गर्न सकिन्छ ।सो मोबाइल एप्स गुगल प्ले स्टोर तथा एप्पल एप स्टोरबाट डाउनलोड गर्न सकिन्छ । मोबाइल एप्स मोबाइलमा डाउनलोड गरी आफ्नो नाम र मोबाइल नम्बर हाल्ना साथ प्राप्त हुने पिन नम्बरलाई भेरिफाई गरी रजिष्ट्रेसन गरेपछि यसको प्रयोग गर्न सकिने छ ।

प्रकाशित मिति: २०७४,आश्विन,३,मंगलवार १३:०३

प्रतिक्रिया दिनुहोस !
सम्बन्धित खबरहरु

काठमाडौं । नेपाल टेलिकमको कलर रिङ ब्याकटोन (सिआरबिटी) परिवर्तन भएको छ । कोरोना महामारीको रुपमा फैलिएको कोरोना भाइरस(कोभिड १९) रोकथामका

काठमाडौं । पछिल्लो समय अरबपतिहरुले अन्तरिक्ष यात्रा गर्ने गरेका छन् । तर, स्पेसएक्सको क्रु ड्रयागन क्याप्सुलले बिहीबार बिहान ५:३३ बजे

काठमाडौं । भाइबरले बिहीबार भर्चुअल कार्यक्रमको आयोजना गरी नयाँ फिचर सुरुआत गरेको छ । यो फिचर नेपाल, भियतनाम र फिलिपिन्ससहित

काठमाडौं । फेसबुक र रेबनको सहकार्यमा निर्माण भएको स्मार्ट ग्लास बिहीबार सार्वजनिक भएको छ । रेबनसँगको सहकार्यमा फेसबुकले ल्याएको उक्त

ताजा समाचार

कालीगण्डकीमा हाम फालेर पुरुष बेपत्ता
 २०७८,आश्विन,३,आईतवार २२:१८
रेडपाण्डाका छालासहित एक युवक पक्राउ
 २०७८,आश्विन,३,आईतवार २१:०१