बेलायतमा बितेको २४ घण्टामा ६ सय बढीको मृत्यु

लोकपथ संवाददाता

२०७७,बैशाख,२०,शनिवार २१:५६

काठमाडौं । बेलायतमा कोरोना भाइरस (कोभीड १९) बाट मृत्यु हुनेको संख्या २८ हजार १ सय ३१ पुगेको छ । गएको २४ घन्टाभित्र ६ सय २१ जनाको कोरोना भाइरसका कारण निधन भएको ‘द गार्जियन’ले उल्लेख गरेको छ । त्यस्तै गएको २४ घन्टामा ४ हजार ८ सय ६ जनामा थप कोरोना संक्रमण देखिएको छ ।

हालसम्म बेलायतमा ११ लाख २९ हजार ९ सय ७ जनामा कोरोना परिक्षण गरि सकिएको छ । सरकारले गरेको घोषणा अनुरुप शुक्रवार मात्र बेलायतमा १ लाख ५ हजार ९ सय ३७ जानामा कोरोनाको परिक्षण गरिएको थियो बेलायतमा १ लाख ८२ हजार २ सय ६० जनामा कोरोना पोजिटिभ देखिएको छ ।

अहिलेसम्म अस्पतालमा कोरोनाबाट संक्रमित १४ हजार ६ सय ९५ जना अस्पतालमा उपचारार्थ रहेका छन् । कोरोनाको संक्रमणबाट बेलायतमा मात्र तीन दर्जनभन्दा बढी गैर आवासीय नेपालीहरुको मृत्यु भएको अनुमान गरिएको छ ।

जसमध्य आधाजस्तो पूर्व गोर्खा सैनिकहरु रहेका छन् । कोरोनाको संक्रमणबाट विश्वभरीमा हालसम्म २ लाख ४० हाजार भन्दा बढी मानिसहरुको मृत्यु भैसकेको छ ।

सबैभन्दा बढी मृत्यु हुने मुलुकमा रहेको छ भने इटाली दोस्रो स्थानमा रहेको छ । अहिलेसम्म तेस्रो स्थानमा रहेको बेलायतको मृतक संख्या इटालीको हाराहारीमा रहेको छ ।