ललितपुर, २ असोज ।सूचना तथा सञ्चारमन्त्री मोहनबहादुर बस्नेतले अन्तर्राष्ट्रियजगतमा नेपाललाई चिनाउन खेलकुद क्षेत्रको ठूलो भूमिका हुने बताएका छन ।नेपाल पौडी सङ्घ एनएसए द्वारा आज आयोजित सातौँ ( एनएसए) कप प्रतियोगिताको उद्घाटन गर्दै मन्त्री बस्नेतले खेलकुद क्षेत्रको विकास तथा विस्तारबाट आर्थिक उपार्जनमा समेत महत्वपूर्ण टेवा पुग्ने विश्वास व्यक्त गरे ।मन्त्री बस्नेतले खेलकुद क्षेत्रको उचित एंव प्रभावकारी व्यवस्थापनमा राज्यको पहिलो प्राथमिकता हुनुपर्नेमा जोड दिदैं खेल क्षेत्रलाई व्यावसायीकरण गरिनुपर्ने धारणा व्यक्त गरे ।जिल्ला–जिल्लामा खेलकुद मैदान तथा पौडी पोखरी निर्माण गर्न सक्यौं भने यस क्षेत्रको विकासमा थप सहयोग पुग्ने बताउँदै स्थानीय तह, प्रदेश र केन्द्रीयसभाको निर्वाचन सम्पन्न भएपछि देशको विकास तीव्र गतिले अघि बढ्ने विश्वास व्यक्त गरे ।सङ्घका अध्यक्ष अशोक बज्राचार्यले प्रत्येक वर्ष एनएसए कपको आयोजना गरिँदै आएको बताए । दुई दिनसम्म सञ्चालन हुने प्रतियोगितामा ११२ पुरुष र ७२ जना महिला गरी कुल १८४ जना खेलाडीको सहभागीता रहेको जनाइएको छ ।
