काठमाडौं । दक्षिण अफ्रीकाको जोहान्सवर्गमा एक अनौठो घटना भएको छ । त्यहाँ एक व्यक्तिको अन्तिम इच्छा पूरा गर्नका लागि उसलाई ‘कफिन’मा नभएर उनलाई मन परेके कारमा गाडिएको छ ।
उनको कारमा सुताएर पनि होइन, ड्राइभिङ सिटमा बसाएर अन्तिम संस्कार गरिएको छ । उनका दुबै हात त्यो बेला स्टेयरिङ्गमा थिए ।
युनाइटेड डेमोक्रेटिक मुभमेन्टका नेता शेकेडे पित्सोलाई आफ्नो कार अत्यन्त प्रिय भएको र त्यसैले उनलाई मृत्युपछि कार सहित गाडरे अन्तिम संस्कार गरिएको थियो ।
शेकेडेको परिवारले उनको अन्तिम ईच्छा पूरा गर्ने भन्दै दुई वर्ष पहिला किनेको मर्सेडिज बेन्जसँगै गाडेर अन्तिम संस्कार गरिएको हो । शेकेडेकी छोरी सेफोराका अनुसार उनका पितासँग यो भन्दा अगाडि पनि धेरै कारहरु थिए ।
कोरोना भाइरसका कारण लकडाउनको समस्या खेपीरहेको दक्षीण अफ्रीकामा नेता शेकेडेको अन्तिम संस्कारमा भने अत्यधिक भीड भेला भएको थियो ।
उनको अन्तिम संस्कारमा मानिसहरुले लकडाउन तोडेर एकत्रित भएको खबरलाई लिएर अहिले सामाजिक सञ्जालमा बिभिन्न चर्चा हुन थालेको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया