काठमाडौं । गुणस्तर मापदण्ड पुरा गर्न नसकेपछि नेदरल्याण्ड्स सरकारले आफ्ना अस्पतालहरुबाट चीनमा उत्पादित करीब ६ लाख मास्कहरु फिर्ता मागेको छ ।
स्थानीय सञ्चारमाध्यमहरुको अुनसार ती मास्कहरु चीनबाट आयात गरी कोभिड–१९ महामारीलाई नियन्त्रण गर्न नेदरल्याड्सका अस्पतालहरूमा पठाइएको थियो तर अहिले ती मास्कहरु फिर्ता लिने निर्णय गरिएको छ ।
नेदरल्याड्सले २१ मार्चमा चिनियाँ निर्माताबाट मास्क आयात गरेको थियो । चीनीयाँ निमार्ताबाट एफएफपी २ श्रेणीका मास्कहरुको अर्डर दिइएको थियो जसले हावामा रहेको ९४ प्रतिशत ठोस र तरल कण फिल्टर गर्नुपर्दछ ।
तर चीनबाट पठाइएको मास्कको गुणस्तर मापन गर्ने क्रममा ति मास्कहरुको त्यस स्तरमा कणहरुको फिल्टर गर्न नसकेको पाइएपछि नेदरल्याड्सको सरकारले सो माक्सहरु कोभिड–१९को संक्रमण सार्ने सक्ने कणहरुको फिल्टर गर्न नसक्ने भन्दै अस्पतालहरुबाट फिर्ता मागेको छ ।
नेदरल्याड्समा १८०० भन्दा बढी कोरोनाभाइरसका संक्रमित छन् भने यसबाट ६०० भन्दा बढी व्यक्तिको मृत्यु भईसकेको छ ।
यसरी चीनबाट आयातित मेडिकस सामाग्रीमा खोट देखिएको नेदरल्यान्ड्स तेश्रो मुलुक हो । चीनियाँ किटहरु ३० प्रतिशत विरामीको मात्रै सही पहिचान गर्न सकेको र संक्रमितमध्ये ७० प्रतिशत व्यक्तिमा संक्रमण पत्ता लगाउन नसकेको भन्दै स्पेनले चिनियाँ किटको प्रयोगमा प्रतिबन्ध लगाएको थियो ।
स्पेन आयात गरिसकेको किटहरु फिर्ता पठाउने निर्णय समेत गरिसकेको छ । यसअघि चीनले चेक रिपब्लिकमा पठाएको किटहरुले पनि सही नतिजा नदिएको पाइएको थियो ।
विश्वसनीयतामा प्रश्न उठेपछि नेपाल ल्याउन लागिएको चीनमा उत्पादित कोभिड–१९ परीक्षण किट हिजैमात्र बाटैमा रोकिएको थियो ।
गत बुधबार बेइजिङ साभान्ट बायोटेक्नोलोजी कम्पनीले २ हजार जनालाई कोरोना भाईरस ९कोभिड–१९०को परिक्षण गर्न मिल्ने किट नेपाली दूतावासलाई उपलब्ध गराएको थियो ।
सो किटहरु आईतबार काठमाडौं आईपुग्ने तोकिएको थियो तर शनिबार तिब्बतको ल्हासामा मै रोकियो । चीनको नेशनल मेडिकल प्रोडक्सन एडमिनिस्ट्रेसनले उक्त किटहरु निर्यातयोग्य नरहेको भन्दै ल्हासामै रोकिदिएको थियो ।
यद्यपि हवाईमार्गबाट आजमात्रै चीनमा कोभिड–१९ सम्बन्धि मेडिकल सामाग्रीहरु आयात गरिएको छ । सरकारले उक्त सामाग्री छिट्टै वितरण गर्ने तयारी गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया