काठमाडौं । ईरानको कुर्दीस्तान प्रान्तको एक जेलबाट कोरोना महामारीको डरका कारण ८० कैदीबन्दी फरार भएका छन् ।
अन्तर्राष्ट्रिय सञ्चारमाध्यमका अनुसार साक्वेज शहरको जेलमा ८० कैदीबन्दीहरु जेल फोरेर भागेका हुन् । कोरोनाको महामारीसँग लड्नको लागि मानिसहरु बिभिन्न उपायहरु अपनाइरहेका छन् ।
कोरोनाको कारण इरासहित सारा विश्वमा हाहाकार मच्चिएको छ । ईरानी सरकारले सबैलाई सोसल डिस्टेन्सिङ अपनाउन अनुरोध गरेको छ । तर ईरानी केहि नागरिकहरुले भने नियमको पालना गर्न अटेर गरि नै रहेका छन् ।
ईरानको जेलबाट कोरोनाको महामारीले नै कैदीबन्दीहरु यसरी जेल तोडेरै भागिरहेका हुन् । यो भन्दा अगाडि ईरान सरकारले कोरोनाको महामारीबाट बच्न ८५ हजार कैदीबन्दीर्ला जेलबाट रिहा गरेको थियो ।
ईरान पनि कोरोना भाइरसबाट अत्याधिक प्रभावित देश हो । कोराना प्रभावित देशमध्ये एशिया महाद्वीपमै चीन पछि ईरानकै नाम आउँछ ।
ईरानमा अहिलेसम्म ३५ हजार ४ सय ८ जना कोरोनाका संक्रमितहरु रहेका छन् । साथै महामारीका कारण अहिलेसम्म ईरानमा २ हजार ५ सय १७ जनाले ज्यान गुमाईसकेका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया