काठमाडौं । पोखराको फेवातालमा कार खस्दा ४ जना घाइते भएका छन् । कार घुम्तीमा मोड्ने क्रममा दुर्घटना भएको हो ।
फेवातालको सिरान खपौदीबाट लेकसाइडतर्फ आउँदै गरेको ग २ च ६९१२ नम्बरको कार सोमवार करीब १२ बजे ताल किनार सेदीबाट खस्दा ४ जना सामान्य घाइते भएका हुन् ।
कार घुम्तीमा मोड्ने क्रममा १ सय मिटर तल खसेर दुर्घटनाग्रस्त भएको प्रहरीले जनाएको छ । दुर्घटनामा परी घाइते हुनेमा पोखरा–६ लेकसाइडका ३२ वर्षीय चिरण बस्नेत, ३१ वर्षीय सञ्जय यादव, कार चालक ३७ वर्षीय राजु पहारी र उनकी २ वर्षीया छोरी राविया पहारी छन् ।
घाइतेको पोखराको सिर्जना चोकस्थित मेट्रो सिटी अस्पतालमा उपचार भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया