३ कार्तिक २०७८, बुधबार

पुर्व राष्ट्रपतिलाई सरकारले नै आवासको व्यवस्था गर्ने

२०७४,आश्विन,१,आईतवार ०९:२६


काठमाडौं, १ असोज ।पूर्व राष्ट्रपतिहरुलाई सरकारले आवासको व्यवस्था गर्नुपर्ने भएको छ । व्यवस्थापिका संसदको राज्य व्यवस्था समिति अन्तरगतको उपसमितिले पूर्व राष्ट्रपतिहरुलाई आवासकै व्यवस्था गर्नुपर्ने सुझावसहितको अध्ययन प्रतिवेदन तयार पारेको हो । राष्ट्रप्रमुख भईसकेकाहरुको सम्मानका लागि पनि राज्यले आवासको व्यवस्था गर्नुपर्ने सुझावसहितको प्रतिवेदन तयार पारिएको उपसमितिका संयोजक जीवनबहादुर शाहीले जानकारी दिए ।उपसमितिका अनुसार आवास व्यवस्था नहुन्जेल सरकारले दिँदै आएको आवास भाडावापत मासिक २ लाख पूर्व राष्ट्रपतिहरुलाई उपलब्ध गराउने कामलाई निरन्तरता दिनुपर्नेछ ।उपसमितिको प्रतिवेदनमा पूर्व सांसदहरुलाई पूर्व पदाधिकारीमा रहने व्यवस्था गरी मर्यादाक्रम तोक्नुपर्ने, निशुल्क स्वास्थ्य उपचारको व्यवस्था गर्नुपर्ने उल्लेख छ । त्यसैगरी संविधान सभा सदस्यको संघीय संसदका सदस्य सरह हुनेगरी मर्यादा तोक्नुपर्ने उपसमितिको प्रतिवेदनमा उल्लेख गरिएको छ । उपसमितिले शासन नयाँ व्यवस्था आएको अनुभूति समेत हुने गरी संविधान सभाका सदस्य उल्लेख भएको लोगो उपलब्ध गराउनुपर्ने सुझाव पनि दिएको छ ।उपसमितिले तयार पारेको प्रतिवेदन समितिले पारित गरेपछि संसदमा पुन पेश हुनेछ । संसदको फुल हाउसमा प्रस्ताव पारित भएपछि कानुन बन्नेछ । संसदको राज्य व्यवस्था समितिले पूर्व पदाधिकारीलाई सुविधा प्रदान गर्ने सम्बन्धमा बनेको विधेयक २०७३ माथि आवश्यक सुझाव दिन उपसमितिनै गठन गरेको थियो । उपसमितिले प्रतिवेदन तयार पार्नु अघि प्रमुख तीनका सचेतकहरु, विज्ञहरुसँग समेत छलफल गरेको थियो ।

प्रकाशित मिति: २०७४,आश्विन,१,आईतवार ०९:२६

प्रतिक्रिया दिनुहोस !
सम्बन्धित खबरहरु

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

काठमाडौं । राउन्ड टेबल इन्टरनेसनलमा पहिलो पटक राउण्ड टेबल नेपालका जयन्त अग्रवाल उपाध्यक्ष पदमा निर्वाचित भएका छन् । अग्रवालले राउन्ड

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

ताजा समाचार