एभर्टनका प्रशिक्षक एन्सेलोटीलाई जरिवाना

काठमाडौं । इंग्ल्यान्ड फुटबल एसोसियसनले एभर्टनका प्रशिक्षक कार्लो एन्सेलोटीलाई जरिवाना गरेको छ ।

सोमबार राति म्यानचेस्टर युनाइटेडविरुद्धको खेलमा रातो कार्ड पाएका एन्सेलोटीलाई ८ हजार पाउण्ड जरिवाना गरिएको हो । यदि एन्सेलोटीले जरिवानाविरुद्ध अपिल गर्दा असफल उनको जरिवाना १२ हजार पाउण्ड पुग्ने एफएले जनाएको छ ।

खेल सकिएपछि म्याच रेफ्री क्रिससँग विवाद गरेपछि एन्सेलोटीलाई रातो कार्ड देखाईएको थियो । जुन खेलमा एभर्टन युनाइटेडसँग १-१ गोलको बराबरीमा रोकिएको थियो ।

खेलको अन्तिम समयमा डोमिनिक लेविनले गोल गरेपनि भीएआरबाट अफसाइड देखिएको थियो । जसको कारण एभर्टन जित निकाल्न बन्चित बनेको थियो ।

लेविनको गोलले मान्यता नपाएपछि एन्सेलोटी रेफ्रीसँग विवाद गरेका थिए । एजेन्सी