२१ असार २०७९, मंगलवार

काठमाडौँ सांस्कृतिक विविधताको अनुपम भण्डार : राष्ट्रपति भण्डारी

२०७४,भाद्र,३१,शनिवार १४:३२

9
Shares

काठमाडौँ, ३१ भदौ ।राष्ट्रपति विद्यादेवी भण्डारीले काठमाडौँ उपत्यका परापूर्वकालदेखि नै सांस्कृतिक विविधताको अनुपम भण्डारका रुपमा रहेको बताएकि छन ।नरदेवी श्वेतकाली माईको १२ वर्षे पर्व देवी नाचको आज हनुमानढोका दरबारको नासल चोकमा आयोजित समापन समारोहलाई सम्बोधन गर्दै राष्ट्रपति भण्डारीले यस्तो संस्कृति संरक्षणका लागि संघीय र स्थानीय सरकारको ध्यान जानुपर्ने बताईन ।सांसद नवीन्द्रराज जोशीले यो ऐतिहासिक नाच नेपालले विश्वसामु प्रस्तुत गर्नसक्ने गौरवपूर्ण कला भएको बताए ।सातसय वर्षअघि शुरु भएको यो नाच जीवन्त मौलिक सम्पदा भएको सांसद जोशीको भनाई छ । नाचघर बनाउन काठमाडौँ महानगरपालिकाले जग्गा उपलब्ध गराए सांसद विकास कोषबाट बनाइदिने प्रतिबद्धता पनि जोशीले जनाए ।काठमाडौँ महानगरपालिकाका प्रमुख विद्यासुन्दर शाक्यले महानगरपालिकाका सबै जात्रा सञ्चालन र भूकम्पले भत्किएका मठ मन्दिरको पुनःनिर्माणमा सहयोग गरिने वाचा गरे । नरदेवी श्वेतकाली मन्दिरको पुनःनिर्माणमा महानगरपालिकाले रु ९० लाख छुट्याएको जानकारी पनि शाक्यले दिए ।श्वेतकाली संरक्षण समितिका अध्यक्ष सत्यनारायण डंगोलले विसं २०६६ देखि शुरु भएको मेला यसपटक आठबर्षमा आजैदेखि समापन हुन लागेको जानकारी गराए । यो जात्रा यसअघि विसं २०३७ मा भएको थियो ।बाह्र वर्षमा नरदेवी, इन्द्रचोक, भक्तपुर, ललितपुर, बनेपा, धुलिखेललगायत १२ स्थानमा लैजानुपर्ने नियम रहेको छ । यो मेला विशेष अवसर पारेर शुरु गरिँदै आएको छ ।

प्रकाशित मिति: २०७४,भाद्र,३१,शनिवार १४:३२

प्रतिक्रिया दिनुहोस !
सम्बन्धित खबरहरु

धनुषा । सशस्त्र प्रहरीले धनुषाबाट ठूलो परिणाममा स्रोत नखुलेको अवैध नेपाली रुपैयाँ बरामद गरेको छ । सशस्त्र प्रहरीले जनकपुरबाट आलुको

दाङ । प्युठानमा चट्याङ लागेर दुई जना बालकको मृत्यु भएको छ । प्युठानको ऐरावती गाउपालिका–६ बिजुलीकोटमा ९ जना घाइते भएका

सिन्धुपाल्चोक । सुन्दै ज्यान नै झसङ्ग हुने नाम हो भूत । भूत भन्ने बित्तिकै मान्छेको मन तर्सिन्छ । सिन्धुपाल्चोकमा एउटा

सुर्खेत । २० जना कैदीबन्दी अट्ने जाजरकोट कारागारमा ५४ जना राख्दा व्यवस्थापनमा समस्या भएको छ । सुधारगृहको रुपमा रहेको कारगारमा

ताजा समाचार

भलिबल प्रशिक्षक चन्दको सम्मान र बिदाई
 २०७९,असार,२१,मंगलवार १७:३९
बस्यो मन्त्रिपरिषद् बैठक
 २०७९,असार,२१,मंगलवार १७:०५
सानेपामा कांग्रेस पदाधिकारी बैठक जारी
 २०७९,असार,२१,मंगलवार १६:५६