२०७४, ३१ भाद्र शनिवार ११:१९

घर्ति अपहरणमा परेको भोलिपल्ट थवाङ पुगे प्रचण्ड


प्रकाशित मिति : २०७४, ३१ भाद्र शनिवार ११:१९

काठमाडौं, ३१ भदौ ।थवाङ गाउँपालिकाका अध्यक्ष वीर बहादुर घर्तीलाई विप्लव नेतृत्वको नेकपाका कार्यकर्ताले अपहरण गरेको भोलिपल्ट नेकपा माओवादी केन्द्रका अध्यक्ष पुष्पकमल दाहाल प्रचण्ड रोल्पाको थवाङ पुगेका छन ।शुक्रबार राती थवाङ–२ स्थित ससुराली घरमा सुतीरहेका घर्तीलाई नेकपाको विप्लव समुहले अपहरण गरेको थियो ।थवाङमा गाउँसभा उदघाटनमा अध्यक्ष प्रचण्ड जाने भएपछि सो कार्यक्रमलाई प्रभावित पार्ने उद्देश्यले विप्लवका कार्यकर्ताले अपहरण गरिएको हुनसक्ने बताइएको छ ।प्रचण्डका प्रेस सहयोगी मनहरी तिमल्सिनाले आज बिहान अध्यक्ष थवाङ पुगेको जानकारी दिँदै आज नै रोल्पा र रुकुम जिल्लामा आयोजित सभाहरुलाई सम्बोधन गर्ने कार्यक्रम रहेको बताए ।यता नेकपाले सोधपुछका लागि थवाङी जनताले नियन्त्रणमा लिएको दाबी गरेको छ । रोल्पा जनपरिषद् संयोजक लालबहादुर वलीले एक विज्ञप्ति जारी गर्दै क्रान्तिकारी जनताको अपमान गर्ने माओवादी केन्द्रबाट गाउँपालिका अध्यक्ष बनेका घर्तीलाई सम्झाई बुझाई गरेर चाँडै मुक्त गर्ने पनि बताएका छन् ।

प्रतिक्रिया दिनुहोस