२०७८,श्रावण,१०,आईतवार

निर्वाचनको सम्पूर्ण तयारी पुरा, ढुक्क भएर मतदान गर्न गृहमन्त्रीको आग्रह

२०७४,भाद्र,३१,शनिवार १०:३५


काठमाडौं, ३१ भदौ ।गृहमन्त्री जनार्दन शर्माले २ नम्बर प्रदेशमा असोज २ गते हुने निर्वाचनको सम्पूर्ण तयारी पूरा भएको बताएका छन् ।रिपोर्टर्स क्लब नेपालले आज आयोजना गरेको साक्षात्कारमा गृहमन्त्री शर्माले सरकारले निर्वाचनको सम्पूर्ण तयारी पूरा गरिसकेको जनाउँदै मतदाताहरुको सुरक्षाको लागि आवश्यक सुरक्षाको प्रबन्ध गरिएको पनि स्पष्ट पारे ।साक्षात्कारमा मन्त्री शर्माले २ नम्बर प्रदेशका आम मतदाताहरु मत हाल्नको लागि उत्साहित रहेको बताउँदै भने,‘मतदाताहरु स्वयम्ले मोहोर लगाउन हामी आँतुर छौं भनेर भन्नुभएको छ, सरकारले सबै मतदान केन्द्रहरुमा शान्ति, निश्पक्ष, स्वतन्त्र र भयरहित वातावरणमा मतदान गर्ने व्यवस्था गरेको छ, यही अनुसार मतदान सम्पन्न हुन्छ।’ उनले निर्वाचन सुरक्षाको पहिलो आधार नै जनताहरुको उत्साह भएको स्पष्ट पारे ।गृहमन्त्रालयले निर्वाचन सुरक्षाको लागि केन्द्रि सुरक्षा निति अनुसार नै जिल्ला स्तरमा सुरक्षा योजना कार्यान्वयन गरिसकेको र जस अनुसार पहिलो घेरामा नेपाली प्रहरी, दोस्रो घेरामा सशस्त्र प्रहरी, तेस्रो घेरामा नेपाली सेना र राष्ट्रिय अनुसन्धानलाई खटाईएको मन्त्री शर्माले जानकारी दिए ।निर्वाचन मौन अवधि सुरु भैसकेकोले अहिले सबै खाले निर्वाचन प्रचारप्रसार कार्य बन्द भएको पनि उनले जनाए । यो वर्ष निर्वाचन वर्ष भएकोले स्थानीय तहको तेस्रो चरणको निर्वाचन सम्पन्नले आगामी प्रदेश र प्रतिनिधि सभाको दुई वटा निर्वाचनको सफल रुपमा सम्पन्नताको सुनिश्चित गर्ने विश्वास गर्दै शर्माले भने,‘त्यसैले यो निर्वाचनको मतदान प्रक्रियालाई सम्पन्न गर्नको लागि आम मतदाताहरुको उल्लेखनीय सहभागिता होस् र सबै दलहरुको पनि जिम्मेवारी हो।’सरकारकै जिम्मेवार मन्त्री तथा अधिकारीहरुले निर्वाचन आचारसंहिता उल्लंघन गरेका छन् भनेर आयोगले भनिरहेको छ, तपाई के भन्नुहुन्छ भन्ने पत्रकारकोे प्रश्नमा उनले भने,‘सरकारले आचारसंहिताको पूर्ण रुपमा पालना गरेको बताए । मन्त्री शर्माले निर्वाचन आयोगलाई जस्तोसुकै सहयोग गर्नपनि आफूहरु तयार रहेको प्रतिबद्धता जनाए ।उनले कर्मचारीहरुको सरुवा पनि आयोगको स्विकृति लिएर नै गरिएको स्पष्ट पारे ।

प्रकाशित मिति: २०७४,भाद्र,३१,शनिवार १०:३५

प्रतिक्रिया दिनुहोस !
सम्बन्धित खबरहरु

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

काठमाडौं । जनता समाजवादी पार्टी (जसपा) का अध्यक्ष महन्थ ठाकुरले प्रधानमन्त्री शेरबहादुर देउवासँग भेटघाट गरेको छन् । अध्यक्ष ठाकुर मंगलवार

काठमाडौं । नेकपा एमालेका वरिष्ठ नेता माधव नेपाल पक्षका सांसदको बैठकमा पछिल्लो राजनीतिक घटनाक्रमबारे छलफल भएको छ । मंगलवार नयाँ

ताजा समाचार

कोरोना विरूद्धको खोप लगाउन ‘नयाँ नियम’
 २०७८,श्रावण,१०,आईतवार ०८:१२
सत्ता गठबन्धनले बनाए यस्तो खाका
 २०७८,श्रावण,१०,आईतवार ०७:४४