काठमाडौं । तपाईहरुले बलिउड चलचित्र रनमा कौवा बिर्यानीको कुरा सुन्नुभएको होला । तर वास्तविकतामै एउटा होटलले ग्राहकहरुलाई चिकनको ठाउँ कागको मासु हालेर बेचेको छ ।
यो समाचार भारतस्थित तमिल्नाडुको रामेश्वरमा ठेला गाडिमा चिकेनको ठाउँमा कागको मासु हालेर बेच्ने गरेको अनुसन्धानका क्रममा भेटिएको हो ।
खाद्य विभागले छापा मार्दा चिकेनको ठाउँमा कागको मासु हालेर बेच्ने गरेको पाईएपछि खाद्य विभाग नै अचम्ममा परेको थियो । पुलिसले यो मामलामा दुई जनालाई पक्राउ गरेको छ ।
उनीहरुबाट लगभग १ सय ५० मरेका कागहरु फेला परेको छ । यो खबर रामेश्वर दर्शनका लागि गएका भक्तालुहरुले थाहा पाएपछि प्रहरीलाई बताएका थिए ।
प्रहरीले अनुसन्धानबाट कागलाई विषयुक्त चामल खुवाएर मार्ने र त्यसलाई चिकेन जस्तै बनाएर बेच्ने गरेको पत्ता लगाएको छ ।
ति व्यक्तिले धेरै कमाउँनको लागि यस्तो गरेको प्रहरीलाई बताएका छन् । यो भन्दा अगाडि पनि भारतको मुम्बई, नोएडा र कोलकत्तामा चिक बिर्यानी भनेर कुकुर तथा बिरालोको मासु बेच्ने गरेको खबर प्रकाशित भएको थियो ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया