१५ माघ २०७६, बुधबार १८:१६

मोरङ्ग अटो वर्क्स इन्टरप्राइजेजले शुरु ग-यो यस्तो अभियान…


प्रकाशित मिति : १५ माघ २०७६, बुधबार १८:१६

काठमाडौं । मोरङ्ग अटो वक्र्स इन्टरप्राइजेज् प्रा.लिले एक प्रचारप्रसार अभियानको थालनी गरेको छ । मोरङ्ग अटो वर्क्स इन्टरप्राइजेज् प्रा.लि नेपालको लागि यामाहा टू ह्वीलरहरुको आधिकारिक वितरक हो । हाल यस कम्पनीले आफ्ना ग्राहकहरुलाई मोटरसाइकलमा प्रयोग गरिने फ्युल इन्जेक्टेड (एफआइ) प्रविधि र कार्बरेटरमा यसले दिने फाइदाहरुका सम्बन्धमा जनचेतना अभिवृद्धि गर्न एक जानकारीमूलक आम प्रचार अभियान अर्को पुस्ता अभियानको थालनी गरेको छ ।
अहिले फ्युल इन्जेक्टेड (एफआइ) इन्जिन एक चिरपरिचित शब्द बनेको छ र धेरैजसो दुई पाँग्रे सवारी साधनहरुमा यो प्रविधि जडान गरिएका छन् ।

यो प्रविधि कार्बरेटरको स्वचालित संस्करण एवं अत्याधुनिक प्रविधि हो, जसले मोटरसाइकलमा जडान गरिएको यसको ८ सेन्सरहरु (क्र्यान्क अवस्था सेन्सर, कूल्यान्ट तापमापक सेन्सर, इन्टेक एयर प्रेसरसेन्सर, थ्रोटल अवस्था सेन्सर, ओटू सेन्सर, लीन एँगल सेन्सर र स्पीड सेन्सर) को मद्दतले काम गर्ने गर्दछ । जहाँ इ.सि.यु. मोनिटरहरुले डाटा प्राप्त गर्दछन् र सोही बमोजिम कारवाही प्रक्रिया शुरु गर्दछ ।

अन्ततः मानव शरीरमा रहेका दिमाग र इन्द्रियहरु झैं मोटरसाइकललाई उत्कृष्ट प्रतिक्रिया प्रदान गर्छ । यद्यपि यामाहाले यो प्रविधिलाई एक दशकभन्दा अघि सन् २००८ को शुरुदेखि नै आफ्नो यामाहा आर १५ को पहिलो उत्पादनबाटै भित्राइसकेको हो र यो प्रविधि एफ जेड सिरिजहरु, आर–सिरिजहरु र हालसालैमात्र प्रस्तुत एमटि १५ मा समेत प्रयोग गरेर उत्कृष्ट प्रविधिको रुपमा प्रमाणित भैसकेको छ ।


यामाहा एक त्यस्तो कम्पनी हो जसले सधैं नै आफ्ना उत्पादनहरुमा नवीनतम् प्रविधिहरुलाई प्रस्तुत गर्दै आएको छ । यामाहाको एक मुख्य ब्राण्ड मूल्य नवीनतम प्रविधिहरुको सेरोफेरोको परिक्रमा गर्नु पनि हो । भर्खरै, यामाहाले आफ्नो रोडिज स्क्वाडको साथमा नेपालको उच्च पहाडी भेगहरु र उबडखाबड मार्गहरु पार गरेर एक अमिट छाप छोड्न सफल भएको कम्पनीले जनाएको छ । रोडिज स्वाडहरुले आफ्नो यामाहा एफजेड चलाएर ९ दिनभित्र १३०० किमिको दूरी र ३८४० मिटर उचाईको यात्रा तय गरेका छन् ।

बाइक चालकहरुको चयन उनीहरुको मोटरसाइकलको पर्फरमेन्ससँग मेल खाने उनीहरुको शारीरिक क्षमताको आधारमा गरिएको थियो । एफआइ प्रविधिको भएको कारण बाइक चिसोमा पनि स्टार्ट गर्न सजिलो भएको थियो भनें मौसम र उचाईमा आएको परिवर्तनले पनि बाइकमा कुनै प्रकारको असर पुगेको थिएन । त्यस्तो स्थान र अवस्थामा पनि मोटरसाइकलले कुनै ठाऊँमा धोका दिएको थिएन भनें आफ्नो लक्ष्यलाई बिना अवरोध पूरा गर्न सफल भएको थियो ।

“हाम्रो लक्षित वर्गहरु मोटरसाइकलमा उच्च सरोकार राख्ने र प्रविधिको हकमा अत्यधिक रुची राख्नेहरु हुनुहुन्छ, यो प्रविधिले कसरी फ्युल इन्जेक्टेड प्रणालीबाट इन्जिनलाई तीव्र वेग र सजिलो स्टार्ट गराउँछ कार्बरेटरभन्दा १४ प्रतिशत बढी माइलेज दिन्छ र कम लागतको मर्मतबाट लाभ दिन्छ भन्ने महत्वपूर्ण जानकारीका बारेमा थाहा पाउनु जरुरी छ ।” बजार प्रमुख श्री विक्रम पौडेलले बताएका छन् ।

अर्को पुस्ता भनेको आउँदो समय हो तर हामी देख्न सक्छौं कि यामाहाले यसलाई आफ्नो प्रविधिका साथ पहिले नै जोडिसकेको कम्पनीले जनाएको छ ।

प्रतिक्रिया दिनुहोस