एक घर दुई बिरुवा : भरतपुर महानगरकि मेयर रेणुको नयाँ अभियान

भरतपुर, ३१ भदौ ।भरतपुर महानगरपालिकाकि मेयर रेणु दाहालले सुन्दर र सफा सहरका लागि हरियाली अभियान आफ्नो प्राथमिकतामा रहेको बताएकी छिन् ।एक घर दुई विरुवाका लागि महानगरले नीति तयार पारेको उनको भनाइ थियो ।महानगरको ११ नम्बर वडामा रहेको गणेशस्थान मन्दिर संरक्षण संवद्र्धन समितिले मन्दिर परिसरमा रहेको रोटरी पार्कमा आयोजना गरेको वृक्षारोपण कार्यक्रमा सरिक मेयर दाहालले हरियाली मानव सभ्यतासँग जोडिएको उल्लेख गरिन् ।महानगर क्षेत्रभित्र रहेका धार्मिक स्थलहरुलाई धार्मिक पर्यटकीय क्षेत्रका रुपमा विकास गर्ने योजना महानगरले बनाएको उनको भनाई छ । त्यसका लागि भरतपुर महानगर क्षेत्रभित्र रहेका धार्मिक स्थलहरुको संरक्षण र विकासका लागि जस्तो जुकै कदम चाल्न तयार रहेको उनले बताइन् ।अर्को प्रसंगमा मेयर दाहालले महानगरमा क्षेत्रमा सुकुम्बासी समस्यालाई विस्तारै व्यवस्थापन गर्ने उल्लेख गरिन् । महानगर जोड्ने रिङ रोड र लिंक रोड निमार्णको कार्यलाई तत्काल सुरु गर्ने उनको भनाई थियो । यसका लागि एकिकृत शहरी विकासका लागि शहरी विकास मन्त्रालयबाट महानगरमा दुई अर्व रुपैयाँ बराबरको वजेट पार्न सफल भएको उनको दावी थियो ।

यो खबर पढेर तपाईलाई कस्तो महसुस भयो ?