९ आश्विन २०७८, शनिवार

गोर्खाल्यान्ड आन्दोलन: विमल भर्सेज विनय

२०७४,भाद्र,३१,शनिवार ०१:३७


काठमाडौँ, ३१ भदौ- दार्जिलिङमा विकसित पछिल्लो घटनाक्रमले गोर्खाल्यान्ड आन्दोलनको भविष्यमै प्रश्न उठेको छ । आन्दोलनको अगुवा दल गोर्खा जनमुक्ति मोर्चाका सुप्रिमो विमल गुरुङ र उनका ‘राइट हयान्ड’ मानिने सहसचिव विनय तामाङबीच मतभेद तीव्र भएपछि आन्दोलन अन्योलपूर्ण बनेको कान्तिपुरमा खबर छ ।मिलेर अघि बढ्ने बेला नेताहरूबीच अन्तरकलहले आन्दोलनलाई घाटा पुगेको बौद्धिक समुदायको भनाइ छ । ‘मोर्चा नेतृत्वबीच अन्तरकलह सुरु भएको छ । यो सिंगो गोर्खाल्यान्ड आन्दोलनका लागि घातक हुनेछ,’ भारतीय गोर्खा परिसंघका अध्यक्ष सुखमान मोक्तान भन्छन्, ‘अन्तरकलह छाडेर गोर्खाल्यान्डका लागि सबै एक हुनुको विकल्प छैन ।’आन्दोलन चर्किएयता गोजमुमो अध्यक्ष गुरुङ अर्धभूमिगतजस्तै छन् । मदन तामाङ हत्या काण्डलगायत दर्जनभन्दा बढी मुद्दा खेपिरहेका उनलाई राज्यसरकार प्रहरीले जुनसुकै बेला पक्राउ गर्न सक्छ । त्यही कारण तीन महिनादेखि चलेको आन्दोलनको मोर्चामा उनी देखिएका छैनन् ।गुरुङको अनुपस्थितिको फाइदा विनय तामाङले उठाए । भलै उनको टाउकोमा पनि हत्या, अपहरणलगायत दर्जन मुद्दा छन् । तर, ती सबै मुद्दालाई बिर्सिएर बंगालकी मुख्यमन्त्री ममता बेनर्जीले विमलको विकल्पका रूपमा विनयलाई अंकमाल गरिन् । विनयलाई राज्यसरकारले खरिद गरेको आरोप पनि छ । तर, विनयले राज्यसरकारबाट कति पैसा लिए भन्ने आधिकारिकता खुलेको छैन ।गत अगस्ट २९ मा कोलकाताको नवान्न बैठकमा तामाङ मोर्चाका हैसियतमा सहभागी बने । बंगालकी मुख्यमन्त्री बेनर्जीको रणनीति के देखिन्छ भने तामाङलाई काखी च्यापेर विमललाई ‘बाइपास’ गर्न सक्दा आन्दोलन तुहाउन सहज हुनेछ । बेनर्जीकै योजना मुताविक तामाङ परिचालित भएको आरोप सर्वसाधारणको छ । तामाङलाई खरसाङका सभासद अनित थापालगायत केही नेताको साथ छ ।  

प्रकाशित मिति: २०७४,भाद्र,३१,शनिवार ०१:३७

प्रतिक्रिया दिनुहोस !
सम्बन्धित खबरहरु

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

काठमाडौं । जनता समाजवादी पार्टी (जसपा) का अध्यक्ष महन्थ ठाकुरले प्रधानमन्त्री शेरबहादुर देउवासँग भेटघाट गरेको छन् । अध्यक्ष ठाकुर मंगलवार

काठमाडौं । नेकपा एमालेका वरिष्ठ नेता माधव नेपाल पक्षका सांसदको बैठकमा पछिल्लो राजनीतिक घटनाक्रमबारे छलफल भएको छ । मंगलवार नयाँ

ताजा समाचार

यस्तो छ आजको विनिमयदर (सूचीसहित)
 २०७८,आश्विन,९,शनिवार ०८:२७
यस्तो छ आजको मौसम पूर्वानुमान
 २०७८,आश्विन,९,शनिवार ०८:१३
बलेवामा नगर अस्पताल सञ्चालन
 २०७८,आश्विन,९,शनिवार ०७:५१
थप पाँच सय चार्जिङ स्टेसन बनाइँदै
 २०७८,आश्विन,९,शनिवार ०७:४०
एक करोड मात्रा खोप आउने सुुनिश्चित
 २०७८,आश्विन,९,शनिवार ०७:३२
मन्त्री नहुँदा कर्मचारीलाई सास्ती
 २०७८,आश्विन,९,शनिवार ०७:२४