विवेक अर्याल / धादिङ, ३० भदौ ।धादिङ जिल्लाको सिद्धलेक गांउ पालिका वडा नं. ४ को आरुवासटारमा धादिङ जिल्लाकै हालसम्मकै सवैभन्दा ठुलो होटल व्यवसाय संचालनमा आउने भएको छ । धादिङ सिद्धलेक ४ का ५ जना युवाहरु मिलेर करिव एक वर्षअघि देखि होटलको निर्माण कार्य थालिएको हो ।सिद्धलेक गांउपालिका र समग्र धादिङ जिल्लाको पर्यटन क्षेत्रलाई विकास गर्ने उद्धेश्यले होटल संचालन गर्न लागीएको हो । हालसम्म जिल्लाकै सवैभन्दा ठुलो र सुविधासम्पन्न होटल संचालनमा ल्याउन लागीएको र करिव एक वर्षको अवधिमा ५० प्रतिसत निर्माण कार्य सकिएको बताईएको छ ।मलेखु भिलेज एण्ड रिसोर्ट बिच क्याम्प नाम दिईएको होटल यसै वर्ष संचालनमा ल्याउनेगरी तयारी थालिएको छ ।
पृथ्वी राजमार्गको मलेखु पेट्रोल पम्पदेखि १ किलोमिटर पारी सडक संजालले छोएको आरवासटारको खैरेनी स्थीत त्रिसुली नदि किनारामा करिव १ करोड ५० लाख रकमको करिव २० रोपनी जग्गा खरिद गरी होटलको भवन निर्माण कार्य भैरहेको छ । निर्माण कार्यको लगभग ५० प्रतिसत काम सम्पन्न भैसकेको छ । अव छिटो गरी निर्माण कार्य सम्पन्न हुने र संगसंगै प्राविधिक कार्य समेत अघि वढाईने र यसै वर्षवाट संचालनमा आउने कम्पनिका लगानीकर्ता एंव सिद्धलेक गांउ पालिका वडा नंं ४ का अध्यक्ष रामहरी वराकोटिले बताए ।करिव १० करोड लगानीको आंकलन गरिएको होटल यसै वर्षको माघ देखि संचालनमा आउने छ भने होटलले करिव ३०० जनालाई रोजगारी दिने अर्का संचालक भरतमणि सिल्वालले बताए । होटलमा स्थानिय खाध्य वस्तु र सामाग्रीका परिकार प्रयोगमा ल्याउने वताईएको छ ।
नजिकै बगिरहेको त्रिसुली नदिमा होटलले व्यावसायिक रुपमा ¥याफ्टिङ गराउने योजना बनाएको छ । समुन्दि« सतह देखि १७ सय मिटरमाथिको उचाईमा रहेको सिद्धलेक र ढेवालेक डाडांमा हाईकिङ, ट्रेकिङ टुर र त्यहादेखि प्याराग्लाईडिङ र कृषि अवलोकन कार्यको लक्ष राखियको लगानीकर्ता एंव ट्रेकिङ गाईड राममणि सिलवालले बताए ।होटलले त्रिसुली नदिमा मोटरवोट समेत संचालनमा ल्याउने छ । होटलमा २ वटा करिव ५०० जना अट्ने क्षमताको अत्याधुनिक प्रविधियुक्त सेमिनार हल , २० वटा आरामदाई कोठा , १ स्विमिङ पुल वालवालिका लागी वालमैत्री खेल मैदान, युवाहरुको लागी छुट्टाछुट्टै फुटवल भलिवल र क्रिकेट खेल मैदान , बृद्धहरको लागी धार्मिक स्थल र फुलवारी र त्रिसुली नदिको पवित्र जलको स्नान घर समेतको वन्दोवस्त गरिने र भविश्यमा सिद्धलेक डाडांसम्म केवलकार राख्ने लक्ष्य राखियको अर्का लगानीकर्ता एंव पुस्तक व्यवसायि रामशरण सिलवालले बताए ।
