२१ असार २०७९, मंगलवार

पर्यटकलाई समेत लक्षित गर्दै अत्याधुनिक मन्दिर

२०७४,माघ,७,आईतवार १०:२९

0
Shares

चितवन, ७ माघ । नेपालका धार्मिक तीर्थस्थलहरुले स्वदेशी र विदेशी पर्यटकलाई आकर्षित गरिरहेको बेला जिल्लाको पर्यटकीय नगरी सौराहा नजिकै पर्यटक तान्ने गरी एक मन्दिरको जिर्णोद्धार गरिएको छ रत्ननगर नगरपालिका–११ जिरौनामा ५० वर्ष पुरानो मन्दिरलाई स्तरोन्नति गरी अत्याधुनिक बनाइएको हो । देशकै तेस्रो पर्यटकीय गन्तव्य सौराहाबाट ६ किलोमिटर दूरीमा रहेको सो स्थलमा अत्याधुनिक भव्य मन्दिरसँगै यज्ञ मण्डप, विवाह मण्डप, वृद्धाश्रम, भोजनालय, पानीका फोहोरा सहितको मनोरम दृश्य स्थल बनाइएको हो । मुख्य मन्दिरभित्र राधाकृष्णको मूर्तिसहित आधुनिक र परम्परागत रुपमा कुँदिएका झ्याल–ढोका, भित्तामा कुँदिएका धार्मिक, मनोरम दृश्य सहितको सुन्दरता रहेको छ श्रीकृष्ण प्रणामी मन्दिर जिरौनाले मन्दिरलाई परम्परा र आधुनिकताको संयोजन गरी भव्य रुपमा निर्माण गरेको हो । पूर्व–पश्चिम राजमार्गको भानुचोकबाट ३.५ किलोमिटर उत्तरमा पर्ने उक्त मन्दिर रु पाँच करोडमा निर्माण गरिएको हो । पन्ध्र कट्ठा सात धुर क्षेत्रफलमा रहेको उक्त मन्दिरले केही पर १० कट्ठा जमिनमा विद्यालयसमेत सञ्चालन गर्ने तयारी गरेको छ । मन्दिर परिसरमा रहेको वृद्धाश्रममा अहिले पाँचजना वृद्धवृद्धा रहेका छन् । वृद्धाश्रमलाई अझै व्यवस्थित गरिँदै लाने योजना रहेको मन्दिरको स्वर्ण महोत्सव वर्ष–२०७४ मूल समारोह समितिका संयोजक तिलकराज शर्मा पौडेलले बतए । २०२४ सालमा स्थापना भएको मन्दिर जीर्ण बन्दै गएपछि श्रीकृष्ण प्रणामी सेवा समितिले अहिले भव्य मन्दिर बनाएको हो । मन्दिरको आगामी फागुन ६ गते शुभारम्भ गरिने कार्यक्रम रहेको छ फागुन ५ देखि फागुन १२ गतेसम्म श्रीमत् तारतमसागर १०८ पाठपारायण ज्ञान महायज्ञ एवम् श्रीमद् भागवत कथा अनुष्ठान गरिने उनले बताए । सात दिनसम्म सञ्चालन हुने उक्त अनुष्ठान कार्यक्रममा श्रीकृष्ण प्रणामी धर्मका धर्माचार्य श्री १०८ कृष्णमणीजीको प्रमुख सानिध्य र नेपालका राष्ट्रपति र उपराष्ट्रपतिसमेत उपस्थिति गराउन पहल भइरहेको पौडेलले जानकारी दिए । उनका अनुसार सो समारोहमा नेपाल, भारतलगायत अन्य राष्ट्रबाट समेत सन्त, महन्त, गुरुजनलगायत एक लाख श्रद्धालु भक्तजनको सहभागिता रहनेछ । नवीनतम् प्रविधिको प्रयोग गरी निर्माण गरिएको उक्त मन्दिर निर्माण गर्न श्रीकृष्ण प्रणामी धर्ममा आबद्ध तथा अन्य भक्तजन, व्यक्ति तथा संघसंस्थाको चन्दा सहयोगबाट गरिएको संयोजक पौडेलले जानकारी दिए स्थानीयको मुट्ठीदान तथा चन्दाबाट सञ्चालित मन्दिरले धार्मिक, आध्यात्मिक, शैक्षिक कार्यक्रमसँग पर्यटकीय गतिविधिमा समेत योगदान दिने विश्वास सहसंयोजक श्यामप्रसाद बरालले व्यक्त गरे । तेस्रो पर्यटकीय क्षेत्र चितवनको सौराहा आउने पर्यटकलाई जिरौना आउने वातावरण तयार पार्न सके यसले पर्यटन प्रवद्र्धनमा थप टेवा पुग्ने विश्वास बरालले व्यक्त गरे । यस मन्दिर भ्रमणका लागि आउने पर्यटकले मनिखोला, बुलबुले ताल, गैँडाताल, शान्तिकुञ्ज पार्क, सिराइचुली, उपरदाङ्गडी लगायतका धेरै प्राकृतिक मनोरम दृश्यहरुको अवलोकन गर्न सक्नेछन् श्रीकृष्ण प्रणामी धर्ममा नेपालमा २० लाख र चितवन जिल्लामा मात्रै २५ हजार अनुयायी रहेका छन् । सामाजिक सेवा, आध्यात्मिक चिन्तन र परा प्रेम लक्षणा भक्ति भन्ने मूल नाराका साथ सञ्चालित श्रीकृष्ण प्रणामी धर्मले मांस, मदिरा, धुम्रपान, मद्यपान लगायतका कूलत त्याग्दै सत्कर्ममा डो¥याउन प्रेरित गर्ने गरेको छ नेपाल पत्रकार महासंघ चितवनका अध्यक्ष एवं स्थानीयवासी राधेश्याम खतिवडाले हालै मात्र भारतका प्रमुख शहरको भ्रमणका क्रममा मठमन्दिरमा धार्मिक पर्यटकको उल्लेख्य उपस्थिति देखेको भन्दै पर्यटकीय नगरी सौराहासँग यस मन्दिरलाई जोड्न सके जिल्लामा आउने पर्यटकको बसाइ लम्ब्याउन सकिने विश्वास व्यक्त गर्नुभयो । मन्दिर क्षेत्रमा अवलोकन र दर्शनका लागि स्वदेशी तथा विदेशी पर्यटक आउन थालेका छन् ।

प्रकाशित मिति: २०७४,माघ,७,आईतवार १०:२९

प्रतिक्रिया दिनुहोस !
सम्बन्धित खबरहरु

सिन्धुपाल्चोक । सुन्दै ज्यान नै झसङ्ग हुने नाम हो भूत । भूत भन्ने बित्तिकै मान्छेको मन तर्सिन्छ । सिन्धुपाल्चोकमा एउटा

मुगु । कर्णाली प्रदेशको प्रमुख पर्यटकीय स्थल रारा ताल पुग्न लामाचौरबाट पर्यटकय पदमार्ग निर्माण गरिएको छ । छायाँनाथ रारा नगरपालिका–३

काठमाडौं । १४ डिब्बामा करिब ५ सय धार्मिक यात्रु बोकेर ‘भारतीय गौरब पर्यटन रेल’ आज अपरान्ह जनकपुर स्टेसनमा आउने भएको

मुगु । जिल्लाको उत्कृष्ट पर्यटकीय गन्तव्य रारामा १० हजार पर्यटकले घुमफिर गरेका छन् । गत वर्ष असारदेखि जेठ मसान्तसम्म नेपाली

ताजा समाचार

भलिबल प्रशिक्षक चन्दको सम्मान र बिदाई
 २०७९,असार,२१,मंगलवार १७:३९
बस्यो मन्त्रिपरिषद् बैठक
 २०७९,असार,२१,मंगलवार १७:०५
सानेपामा कांग्रेस पदाधिकारी बैठक जारी
 २०७९,असार,२१,मंगलवार १६:५६