भीरबाट लडेर लिम्बूको मृत्यु

धनकुटा । धनकुटामा भीरबाट लडेर एक जनाको मृत्यु भएको छ । धनकुटाको चौबिसे गाउँपालिका–७ का ५२ बर्षीय लाकबर लिम्बूको लडेर मृत्यु भएको छ ।

मंगलबार बिहान ८ बजे खानेपानीको पाईप मर्मतको लागि पैरेपाटा गएका लिम्बू भीरबाट लडेर घाइते भएका थिए ।

घाईते लिम्बूको बि.पी. कोईराला स्वास्थ्य बिज्ञान प्रतिष्ठान धरानमा उपचारको क्रममा दिउँसो मृत्यु भएको प्रहरीले जनाएको छ ।

घटनाको अनुसन्धान भइरहेको प्रहरीले जनाएको छ ।